શાહરૂખના દિકરાની ધરપકડ બાદ તેને 14 દિવસની કસ્ટડીમાં રાખવામાં આવ્યો હતો. હાલમાં તેને જામીન મળશે કે નહી તેને લઇને કોર્ટમાં દલીલ ચાલી રહી છે.
આર્યન ખાનને લઇ જવાયો આર્થર રોડ જેલ
મહિલા કથિત આરોપીઓને બાયકુલા જેલમાં લઇ જવાઇ
કોર્ટમાં રજૂ કરતાં પહેલા કોરોના ટેસ્ટ કર્યો હતો
આર્યનને લઇ જવાયો આર્થર રોડ જેલ
આર્યન ખાનને કોર્ટમાં રજૂ કર્યાની થોડી જ મીનિટોમાં આર્થર રોડ જેલ લઇ જવામાં આવ્યો છે. હાલમાં જ મળતી જાણકારી અનુસાર આર્યન ખાન આર્થર રોડ જેલમાં દાખલ થઇ ચૂક્યો છે. મહિલા આરોપીઓને બાયકુલા જેલમાં લઇ જવામાં આવી છે. બંને જેલ નજીક જ છે.
Mumbai | NCB brings Aryan Khan and other accused in the cruise ship drug raid case to Arthur Jail pic.twitter.com/uow3Ukaj0Z
કોરોના ટેસ્ટ કરવામાં આવ્યો
કોર્ટમાં રજૂ કરતાં પહેલા 8 કથિત આરોપીઓનો કોરોના ટેસ્ટ કરવામાં આવ્યો હતો. સૂત્રોના જણાવ્યા અનુસાર પહેલેથી જ આર્યન તેમજ અન્ય લોકોને જેલમાં લઇ જવા માટેની તૈયારી કરી દેવામાં આવી હતી.
હજુ જામીનને લઇને કોઇ નિર્ણય નહી
આર્યનના વકીલ સતીશ માનશિંદે કોર્ટમાં જામીન માટે દલીલ કરી રહ્યાં છે દરમિયાન આર્યનને આર્થર રોડ જેલમાં લાવી દેવામાં આવ્યો છે. જો તેને જામીન મળશે તો જેલમાંથી તે ઘરે જઇ શકશે પરંતુ જો તેની જામીનની અરજી રદ્દ કરવામાં આવશે તો તેણે આ જેલમાં જ રહેવું પડશે.