શાહરૂખ ખાનના દિકરા આર્યન ખાનને આમ તો 29 તારીખે જ જેલમાંથી બહાર આવી જવું જોઇતું હતુ પરંતુ કેટલાક ડૉક્યુમેન્ટ્સના કારણે તેણે વધુ એક રાત જેલમાં વિતાવવી પડી હતી.
જૂહી ચાવલાના કારણે આર્યન એક દિવસ વધુ રોકાયો જેલમાં ?
જૂહી ચાવલાના કારણે આર્યનનો જેલવાસ લંબાયો?
રિપોર્ટ અનુસાર જુહી ચાવલા આર્યનની જામીનદાર બની હતી અને તે અદાલતમાં પહોંચી હતી. એક લાખ રૂપિયાની રકમ અને જરૂરી દસ્તાવેજો લઇને તે કોર્ટ પહોંચી તો ખરા પરંતુ ક્લર્કે કહ્યું કે તેનો પાસપોર્ટ સાઇઝનો ફોટો નથી. તેના પર સેશન્સ કોર્ટના સિરિસ્ટેડર આનંદીની ફર્નાન્ડિસ અને નિખિલ માનશિંદેએ કહ્યું કે શું તમે આ પહેલા કોઇ સિક્યોરીટી વર્ક નથી કર્યુ?
તસવીર લાવવામાં 15 -20 મીનિટનો લાગ્યો સમય
એક્ટ્રેસે તાત્કાલિક પોતાની તસવીરો મંગાવી લીધી હતી. જો કે આ પ્રોસેસમાં જ 15 થી 20 મીનિટ થઇ હતી. એક્ટ્રેસ જુહી ચાવલા મલાબાર હિલ્સ વિસ્તારમાં રહે છે અને તે જગ્યા સેશન્સ કોર્ટથી સાવ નજીક છે. માનવામાં આવી રહ્યું છે કે જુહીએ તેના ઘરેથી જ તસવીર મંગાવી હતી અને તેને ફોર્મમાં ચીપકાવીને આગળની કાર્યવાહી કરી હતી.
જજે જુહીને પૂછ્યા આ સવાલ
એક્ટ્રેસને જજ વીવી પાટિલે કેટલાક પ્રશ્નો પૂછ્યા હતા. જેમાં તે કોના માટે જામીનદાર બની રહી છે ત્યારે તેણે જવાબ આપ્યો કે આર્યન ખાન. જજે પૂછ્યું કે શું તમે તેને ઓળખો છો તેના પર જુહીએ કહ્યું કે હા, હું તેને બાળપણથી ઓળખુ છુ અને તેના પિતા અને હું એક કંપનીમાં પાર્ટનર છીએ. બાદમાં જુહીનો પાસપોર્ટ અને આધારકાર્ડની કોપી જમા કરીને પેપર્સ પર સિગ્નેચર કરીને રિલીઝ ઓર્ડર આપી દેવામાં આવ્યો હતો.
જૂહી ચાવલા બની જામીનદાર
મહત્વનું છે કે આર્યન ખાનને 1 લાખ રૂપિયાના બોન્ડ પર જામીન મળ્યા છે જેની સાથે ઘણી શરતો પણ જોડાયેલી છે. કોર્ટ દ્વારા મુકવામાં આવેલી શરતોમાં જામીન વખતે આર્યન ખાન દ્વારા મીડિયા અને સોશિયલ મીડિયા પર કેસ વિશે વાત ન કરવા, NCB ઓફિસમાં દર શુક્રવારે 11થી 2ની વચ્ચે હાજર થવા દેશ ન છોડવા અને ફરી વખત આમ ન કરવા જેવી શરતોનો સમાવેશ થયો છે.
જૂહી ચાવલા અને શાહરૂખ ખાન નજીકના મીત્ર
આ ઉપરાંત કોર્ટે શાહરૂખ ખાનના દિકરાની સામે બીજા આરોપીઓના સંપર્ક ન કરવા અને ગવાહોને પ્રભાવિત ન કરવાની પણ શરત મકી હતી. વાત કરીએ જૂહી ચાવલાની તો તેમણે શાહરૂખ ખાનના પરિવારની સાથે ખૂબ નજીકના સબંધ રહ્યા છે ન ફક્ત વર્ક ફ્રંટ પર પરંતુ પારિવારિક રીતે પણ બન્નેના સારા સંબંધો છે.