દિલ્હી ચૂંટણી / અરવિંદ કેજરીવાલે અમિત શાહના નામ જોગ વીડિયો બનાવી વાયરલ કર્યો, જુઓ શું કહ્યું?

કેજરીવાલે વીડિયો સંદેશમાં કહ્યું છે કે "અમિત શાહ દરરોજ આવે છે અને દિલ્હીવાસીઓની મહેનતની મજાક ઉડાવે છે. ક્યારેક તેઓ કહે છે કે CCTV લગાવેલા નથી. દિલ્હીવાસીઓએ દિલ્હીમાં બે લાખ કેમેરા લગાવ્યા છે અને તમે કેટલા લગાવ્યા છે? આ વર્ષે અમારી સરકારી શાળાઓનું પરિણામ 96 ટકા આવ્યું છે. તમારી સરકાર દ્વારા થયેલી કામગીરી તમે ગણાવશો તો વધુ સારું થશે."

કેજરીવાલે કહ્યું છે કે "તમારા લોકો દિલ્હીના લોકોને બિકાઉ (વેચાઈ ગયેલા) કહે છે કારણ કે દિલ્હી લોકોને મફત વીજળી, મફત પાણી, મફત બસ સેવા અને મફત હોસ્પિટલ મળી રહી છે. કેમ? તમારી કેન્દ્ર સરકારને કારણે દેશમાં એટલી મોંઘવારી છે કે સામાન્ય માણસનું જીવન જીવવું મુશ્કેલ થઈ ગયું છે.જો દિલ્હી સરકારે તેમને રાહત આપવા માટે થોડી વીજળી અને પાણી મફત આપ્યું તો દિલ્હીના લોકો બિકાઉ થઇ ગયા? આ તો બરાબર નથી."

अमित शाह जी दिल्ली के लोगों का अपमान करना बंद करें pic.twitter.com/tgqA6egrLp

— Arvind Kejriwal (@ArvindKejriwal) January 26, 2020

કેજરીવાલે અમિત શાહને કહ્યું છે કે "અમે દિલ્હીના બે કરોડ લોકો એક પરિવાર જેવા છીએ, પછી ભલે તે કોઈ પણ પક્ષના હોય. અમે બધા એક બીજાના સુખ અને દુખમાં સાથે કામ કરીએ છીએ. સાથે મળીને અમે દિલ્હીને શણગારીએ છીએ." 

તેમણે કહ્યું કે "અમિત શાહ, હું આશા રાખું છું કે તમે હવે દિલ્હીના લોકોની મહેનત અને સિદ્ધિઓનું અપમાન નહીં કરો."