દિલ્હી વિધાનસભાની ચૂંટણીમાં ગઈકાલે CM અરવિંદ કેજરીવાલે ઉમેદવારી પત્ર ભર્યું હતું. જેમાં ભરેલાં સોગંદનામાં તમેની અને તેમના પત્નીની આવક રજૂ કરાઈ છે. તમને જાણીને નવાઈ લાગશે કે કેજરીવાલની પાંચ વર્ષની આવક માત્ર 1.3 કરોડ વધી છે. અહીં માત્ર એટલે લખ્યું છે કારણ તેમને પાંચ વર્ષમાં 2.3 કરોડ કરતા પણ વધારે નો તો પગાર મળ્યો છે.
કેજરીવાલની પત્ની પાસે 15 લાખ હતા જે વધીને 57 થયાં
કેજરીવાલની સ્થાયી મિલકત 92 લાખથી વધી 177 લાખ થઈ
અરવિંદની રોકડ અને એફડી 2.26થી વધી 9.65 થઈ
વર્ષ 2015 કરતાં 1.3 કરોડ રુ.નો વધારો થયો છે
દિલ્હીનાં મુખ્યમંત્રી અરવિંદ કેજરીવાલ પાસે 3.4 કરોડની સંપત્તિ છે. વર્ષ 2015 કરતાં 1.3 કરોડ રુ.નો વધારો થયો છે. કેજરીવાલે મંગળવારે વિધાનસભા ચૂંટણી માટે ઉમેદવારી પત્ર ભર્યું હતું . જેમાં તેમણે સોગંદનામું રજુ કર્યું હતું. જેમાં જણાવ્યાનુંસારા વર્ષ 2015માં તેમની પાસે કુલ 2.1 કરોડ રુપિયાની સંપતિ હતી.
આ રીતે વધી મુખ્યમંત્રી કેજરીવાલની પત્નીની મિલકત
તેમની પત્ની સુનીતા કેજરીવાલ પાસે રોકડ તથા FD મળીને વર્ષ 2015માં 15 લાખ હતાં. જે આજે વધીને 57 લાખ થઈ ગયાં છે. આપનાં એક અધિકારીએ જણાવ્યું હતું કે તેમની સ્વૈચ્છિક નિવૃત્તિ(વીઆરએસ)નાં લાભ તરીકે સુનીતા કેજરીવાલને 32 લાખ રુપિયા મળ્યા હતાં. બાકીની તેમની બચત છે.
અરવિંદ કેજરીવાલની રોકડ અને સ્થાયી મિલકતમાં આટલો વધારો
મુખ્યમંત્રી અરવિંદ કેજરીવાલ પાસે રોકડ અને એફડી મળીને 2015માં રુ. 2.26 લાખ હતી અને જે 2020માં વધીને 9.65 લાખ થઈ ગઈ છે. તેમની પત્નીની સ્થાયી સંપતિનાં મુલ્યાંકનમાં કોઈ ફેરફાર નથી થયો. જ્યારે કે કેજરીવાલની સ્થાયી સંપતિ 92 લાખથી વધીને 177 લાખ થઈ ગઈ છે. પાર્ટીનાં અધિકારીઓએ જણાવ્યું કે 2015માં કેજરીવાલની જેટલી સ્થાયી મિલકત હતી. તેનાં ભાવમાં વધારો થવાનાં કારણે કિંમત વધી છે.