અરવલ્લીના મોડાસામાં એક અજીબો ગરબી ઘટના સામે આવી છે. એક જ બ્રિજનું બે બે વાર લોકાર્પણ કરવામાં આવ્યું હતુ. આવો જાણીએ શું છે સમગ્ર મામલો?
મોડાસાના મેશ્વો નદી પરના બ્રિજનું 2 વખત લોકાર્પણ
સવારે ભાજપ બાદ પુલનું કોંગ્રેસે ફરી લોકાર્પણ કર્યું
રાજકીય લાભ લેવા ભાજપ-કોંગ્રેસનો લોકાર્પણનો ખેલ
અરવલ્લીના મોડાસાના મેશ્વો નદી પરના બ્રિજનું 2 વખત લોકાર્પણ કરવામાં આવ્યું છે. સવારે ભાજપ દ્વારા પુલનું લોકાર્પણ કરાયા બાદ કોંગ્રેસે ફરી એ જ પુલનું લોકાર્પણ કર્યું હતું. નાની ઈસરોલથી રામેશ્વરકંપાને જોડતા બ્રિજને લઈ વિવાદ થઈ રહ્યો છે. આ બ્રિજ પ્રધાનમંત્રી ગ્રામ સડક યોજના અંતર્ગત બનાવવામાં આવ્યો છે. બ્રિજ રૂ.4.12 કરોડના ખર્ચે બનાવવામાં આવ્યો છે.
રાજકીય લાભ લેવા ભાજપ-કોંગ્રેસનો લોકાર્પણનો ખેલ ખેલી રહ્યા હોવાનો ગણગણાટ થઈ રહ્યો છે. સવારે ભાજપ પંચાયત સદસ્યોએ લોકાર્પણ કર્યું હતું જેના 3 કલાક બાદ મોડાસાના કોંગ્રેસ ધારાસભ્યએ રીબીન કાપી ફરીથી લોકોર્પણ કર્યુ.