અરવલ્લી / ધારાસભ્ય જશુભાઈ પટેલનો SPને પત્ર: મને અને મારા પરિવારને જાનનું જોખમ

• અરવલ્લીના બાયડના કોંગી ધારાસભ્ય પર જીવનું જોખમ
• જશુ પટેલે સુરક્ષા માટે અરવલ્લી SPને લખ્યો પત્ર
• ધારાસભ્ય તરીકે આક્રમક રજૂઆતો કારણભૂત

અરવલ્લીના બાયડના કોંગ્રેસના ધારાસભ્ય પર જીવનું જોખમ હોવાનું સામે આવ્યું છે. જશુભાઇ પટેલે સુરક્ષા માટે અરવલ્લી SPને પત્ર લખ્યો છે. ધારાસભ્ય તરીકે આક્રમક રજૂઆતો કારણભૂત હોવાનું જણાવ્યું છે.

તેમને કહ્યું કે પરિવારને કઈ થશે તો તંત્ર જવાબદાર રહેશે. અસંતુષ્ટો દ્વારા હુમલાનો ભય છે. મહત્વનું છે કે જશુભાઇ પટેલે જિલ્લા આયોજન મંડળના કામોમાં ભ્રષ્ટાચાર થતો હોવાનો અને અયોજન અધિકારી દ્વારા 10 ટકા લઇને કામો મંજૂર કરતા હોવાનો આક્ષેપ કરવામાં આવ્યો હતો. સાથે જ કલેકટરના જવાબથી અસંતોષ થતા કલેકટર કચેરી બહાર શર્ટ કાઢી બેસી ગયા હતા. અને વિરોધ કર્યો હતો

શું હતો મામલો? 

બાયડ ધારાસભ્ય જસુભાઇ પટેલ દ્વારા આયોજનના કામોમાં ભ્રષ્ટાચાર થતો હોવાનો આક્ષેપ સાથે કલેકટર કચેરીએ શર્ટ કાઢી રામધુન કરી વિરોધ દરશાવતા પોલીસે ધારાસભ્ય સહીત 50 કાર્યકરોની અટકાયત કરી હતી. 
 
બાયડના ધારાસભ્ય જશુભાઈ પટેલ જીલ્લા આયોજન મંડળના કામોમાં ભ્રષ્ટાચાર થતો હોવાનો આક્ષેપ તેમજ આયોજન અધિકારી દ્વારા 10 ટકા લઇ કામો મંજુર કરતા હોવાનો પણ આક્ષેપ સાથે કલેકટરને રજૂઆત કરવા પહોચ્યા હતા ત્યારે કલેક્ટરના જવાબથી અસંતોષ થતા ધારાસભ્ય કલેકટરની ચેમ્બરમાં નીચે જમીન ઉપર બેસી ગયા હતા અને વિરોધ કર્યો હતો.અને ત્યાર બાદ કલેકટર કચેરી બહાર શર્ટ કાઢી બેસી ગયા હતા. તેમની સાથે કોંગ્રેસ પ્રમુખ સહીત કાર્યકરો પણ જોડાયા હતા અને રામધુન બોલાવી હતી ત્યારે પોલીસ દ્વારા ધારાસભ્ય સહીત 50 જેટલા કોંગ્રેસી કાર્યકરોની અટકાયત કરી હતી.

જીલ્લા આયોજન અધિકારીએપોતાનો બચાવ કરતા જણાવ્યું   

સમગ્ર મામલે જીલ્લા આયોજન અધિકારીએપોતાનો બચાવ કરતા જણાવ્યું હતું કે સરકારના નિયમ મુજબ નિયમ મુજબ પ્રભારી મંત્રી ધારાસભ્યો સહીત નક્કી કરેલી કમિટીની ભલામણ મુજબ કામો મંજુર કરવામાં આવ્યા છે તેમજ ધારાસભ્યને હાલ સુધી સરકાર દ્વારા એક પણ રૂપિયાની ગ્રાન્ટ આપવામાં આવી નથી તેવું જણાવતા સરકારના પ્રવક્તા હોય તે પ્રમાણે એક અધિકારી તરીકે જવાબ આપ્યો હતો અને પોતાનો બચાવ કર્યો હતો