ન્યૂ દિલ્હીઃ 9 ઓગસ્ટનાં રોજ એઇમ્સમાં ભરતી થયેલ પૂર્વ નાણાંમંત્રી અરૂણ જેટલી આપણી વચ્ચે નથી રહ્યાં. પરંતુ તેઓએ દેશનાં વિકાસમાં મહત્વપૂર્ણ ભૂમિકા નિભાવી છે. દિલ્હીમાં પેદા થનાર અરૂણ જેટલી આમ પણ દરેક ક્ષેત્રમાં ખૂબ જ દિલ લગાવીને કામ કરતા હતાં. પરંતુ શું આપને ખ્યાલ છે કે તેમની ખાસ રૂચિ કપડાં પહેરવામાં પણ હતી, તેઓ એક દિવસમાં અનેક વાર કપડાંઓ પહેરતા હતાં.
પોતાની ગાડીમાં તેઓ અનેક ડ્રેસ સાથે લઇને ચાલતા હતાં. તેમને કપડાં પહેરવાનો ખૂબ શોખ હતો. આવું અનેક વાર જોવામાં પણ આવ્યું છે. તેઓ સામાન્ય બેઠક, પ્રેસ કોન્ફરન્સ અથવા તો યાત્રા દરમ્યાન આ જ અંદાજમાં દેખાતા હતાં. અરૂણ જેટલી સાથે જોડાયેલ લોકો એવું માને છે કે તેઓને નવા-નવા કપડાં પહેરવાનો ખૂબ શોખ હતો.
સુબ્રમણયમ સ્વામી પણ અરૂણ જેટલીનાં ડ્રેસ અપ સેંસની પ્રશંસા કરી ચૂક્યાં છેઃ
ભાજપનાં નેતા સુબ્રમણ્યમ સ્વામી પણ અરૂણ જેટલી (Arun Jaitley) નાં ડ્રેસિંગ સેંસ (Dressing Sense) ની પ્રશંસા કરી ચૂકેલ છે. પોતાનાં એક નિવેદનમાં તેઓએ અરૂણ જેટલીનાં ડ્રેસ પર કોમેન્ટ પણ કરી હતી. તેમણે કહ્યું કે, જ્યારે પણ અરૂણ જેટલી વિદેશની મુલાકાત પર જતા હતાં તેઓ ખૂબ જ શાનદાર લાગે છે.
નવા-નવા બ્લેઝર પહેરવાનાં હતાં શોખીનઃ
સામાન્ય રીતે જ્યારે પણ આપે અરૂણ જેટલીને કોઇ પણ બેઠક અથવા તો કોઇ મુલાકાતમાં જતા જોયા હશે તો એક વાત પર આપે જરૂર ધ્યાન આપ્યું હશે કે તેઓ મોટે ભાગે બ્લેઝર પહેરતા હતાં. ખાસ વાત તો એ છે કે તેઓ દરેક દિવસે-દિવસે અલગ-અલગ રંગોનાં બ્લેઝરમાં દેખાતા હતાં. જાણકારોનું માનીએ તો તેઓ નવા-નવા રંગોને બ્લેઝર પહેરવાનું ખૂબ જ પસંદ કરતા હતાં.
નવા-નવા કુર્તાઓ પણ પહેરવાનાં શોખીન હતાં:
બ્લેઝર સિવાય આપે જોયું હશે કે અરૂણ જેટલી ક્યારેક-ક્યારેક કુર્તાઓમાં પણ જોવાં મળ્યાં હતાં. સંસદમાં બજેટ પેશ રજૂ કરવાનું હોય અથવા તો પછી મીડિયા સાથેની વાતચીતમાં હાજર થવાનું હોય. અરૂણ જેટલીની પોતાની એક અલગ જ અંદાજની સ્ટાઇલ રહી છે. કુર્તામાં પણ તેઓએ અનેક રંગોનાં કુર્તામાં જોવાં મળ્યાં હતાં. જેને જોઇને એ કહેવું ખોટું નહીં હોય કે તેઓ કુર્તા પહેરવામાં પણ ખૂબ રૂચિ ધરાવતા હતાં.