દિલ્હી AIIMS / અરૂણ જેટલીની તબિયત અત્યંત નાજુક, લાઈફ સપોર્ટ સિસ્ટમ પર રખાયાં

માયાવતીએ પૂછ્યા હાલચાલ

અરૂણ જેટલીના સ્વાસ્થ્યના હાલચાલ પૂછવા માટે છેલ્લા 2 દિવસથી દિલ્હી સ્થિત એઇમ્સમાં મોટી સંખ્યામાં નેતાઓ હાજર રહ્યા છે. શનિવારે સવારે ઉત્તર પ્રદેશના પૂર્વ મુખ્યમંત્રી અને બહુજન સમાજ પાર્ટીના વડા માયાવતી તેમને મળવા પહોંચ્યા હતા. તો આજે સાંજે બિહારના મુખ્યમંત્રી નિતીશ કુમાર દિલ્હી પહોંચી શકે છે. આ સાથે જ દેશના ગૃહ પ્રધાન અમિત શાહ ફરી વખત આજે સાંજે એઇમ્સની મુલાકાતે જઇ શકે છે. 

पूर्व केन्द्रीय वित्त व रक्षा मंत्री व बीजेपी के वरिष्ठ नेता श्री अरुण जेठली के स्वास्थ्य का हालचाल लेने आज नई दिल्ली के एम्स अस्पताल गई। वहाँ उनके परिवार के लोगों आदि से मिलकर उन्हें दिलासा दिलाने के साथ- साथ कुदरत से प्रार्थना भी है कि वह श्री जेठली को शीघ्र स्वास्थ्य लाभ दे।

— Mayawati (@Mayawati) August 17, 2019

રાષ્ટ્રપતિ રામનાથ કોંવિંદે અરુણ જેટલીના ખબર અંતર પૂછ્યા

ઉલ્લેખનીય છે શુક્રવારે દેશના મહામહિમ રાષ્ટ્રપતિ રામનાથ કોવિંદ પણ એઇમ્સ હોસ્પિટલ પહોંચ્યાં હતા. જ્યાં રાષ્ટ્રપતિ રામનાથ કોવિંદે એઇમ્સના ડોકટરો સાથે અરુણ જેટલીની તબિયતને લઇને વાતચીત કરી હતી. 

શું છે ECMO ?

ECMO પર દર્દીને ફક્ત ત્યારે જ રાખવામાં આવે છે જ્યારે હૃદય, ફેફસાં યોગ્ય રીતે કામ ન કરે અને વેન્ટિલેટરથી પણ કોઇ ખાસ ફાયદો થાય નહી. ECMO થી દર્દીના શરીરમાં ઓક્સિજન પહોંચાડવામાં આવે છે.

સોફ્ટ ટિશ્યુ કેન્સરથી પીડિત છે જેટલી

અરૂણ જેટલીનું કિડની ટ્રાન્સપ્લાન્ટ થયું ત્યાર બાદ જેટલીના ડાબા પગમાં સોફ્ટ ટિશ્યું કેંસર થઇ ગયું હતું જેની સર્જરી માટે તેઓ આ વર્ષે જાન્યુઆરીમાં અમેરિકા પણ ગયા હતા. ચાલુ વર્ષે મે મહિનામાં પણ જેટલીને સારવાર માટે દાખલ કરાયા હતા. 

વ્યવસાયે વકીલ એવા જેટલી મોદી સરકારના એક મહત્ત્વના હિસ્સો છે. મોદીની પ્રથમ સરકારમાં તેઓ નાણા મંત્રી હતા, પરંતુ તબીયત ખરાબ રહેતી હોવાના કારણે તેઓ આ વખતે લોકસભા કે રાજ્યસભાની ચૂંટણી લડયા ન હતા અને મંત્રી મંડળમાં પણ રહ્યા ન હતા.

પ્રધાનમંત્રીને પત્ર લખીને મંત્રી મંડળમાં સમાવેશ ન કરવા કરી હતી વિનંતી

ઉલ્લેખનીય છે કે, અરૂણ જેટલીએ ટ્વીટર પર એક પત્ર શેર કરતા લખ્યું હતું કે, છેલ્લા 18 મહિનાથી બિમાર છું. મારી તબિયત ખરાબ છે, એટલા માટે મને મંત્રી ન બનાવવા પર વિચાર કરવામાં આવે. નોંધનીય છે કે, 30 મેના રોજ પ્રધાનમંત્રી મોદી અને તેમના મંત્રી મંડળના શપથ લીધા હતા. 

અરૂણ જેટલીએ પ્રધાનમંત્રી મોદીને લખેલ પત્રમાં ઉલ્લેખ કર્યો હતો કે, આપની આગેવાનીમાં 5 વર્ષ કામ કરવાનો અનુભવ ખુબ જ સરસ રહ્યો. આ પહેલા પણ NDA સરકારમાં મને જવાબદારી આપવામાં આવી છે, સરકાર સિવાય પણ મને સંગઠનમાં અગત્યની જવાબદારીઓથી નવાજવામાં આવ્યા છે હવે મારે કાઇ નથી જોઇતું.