Coronavirus / કોરોનાનો રેકોર્ડ રાખવા માટે ICMR આ ટેક્નોલોજીની શરણે, ટેક્નોલોજી આ રીતે કરે છે કામ

• ICMR ડેટા સંગ્રહ માટે આર્ટિફિશિયલ ઈન્ટેલિજન્સીની મદદ લેવાઈ 
• આ દ્વારા ડેટાનું સંકલન પણ થશે અને તેનો કોરોના પર રિસર્ચ કરનારાઓને મદદ મળશે
• આ ડેટાનો ઉપયોગ માત્ર રિસર્ચ કરનારા અને તેની સાથે જોડાયેલા લોકો માટે જ છે

ICMRના ડિરેક્ટર બલારામ ભાર્ગવે જણાવ્યું હતું કે તપાસ, સારવાર અને આ રોગની ઓળખ પર ધ્યાન આપવાની જરુર છે જેથી તેને ફેલાતો રોકી શકાય.  દેશભરમાં જુદી જુદી ટીમો છે. જેણે આ ટેક્નિક દ્વારા પરિસ્થિતિની સચોટ માહિતી મેળવી શકશે. તેનો ફાયદો એ થશે કે આપણે સરળતાથી નક્કી કરી શકીશું કે કયા ક્ષેત્રમાં વધુ ધ્યાન આપવાની જરૂર છે અને ક્યાં સારવાર માટે કઈ વ્યૂહરચના અપનાવવાની જરુર છે.

ઈલેક્ટ્રોનિક અને માહિતી ટેકનોલોજી મંત્રાલયના અધિક સચિવ ગોપાલકૃષ્ણને કહ્યું કે  એઆઈ દ્વારા કોરોનાથી સંબંધિત ડેટા વધુ સારી રીતે તૈયાર કરવામાં વધુ સરળ રહેશે. તેમણે કહ્યું કે આની સાથે ICMRની વેબસાઇટ પરના પેજનો ઉપયોગ ફક્ત તે વ્યક્તિ જ કરી શકશે જે નમૂના સંગ્રહ અથવા તપાસ સાથે સંકળાયેલ છે અને તે સંપૂર્ણપણે સલામત રહેશે.