આર્ટિકલ 370 / કાશ્મીર માટે આજનો દિવસ મહત્વપૂર્ણ, સુપ્રીમ કોર્ટમાં 8 અરજીઓ પર સુનાવણી

• 370ને હટાવવા વિરૂદ્ધ સુપ્રીમ કોર્ટમાં દાખલ કરવામાં આવી અનેક અરજીઓ
• ગુલામ નબી આઝાદ, સીતારામ યેચુરી અને વાઇકોએ પણ અરજી લગાવી છે

આપને જણાવી દઇએ કે જમ્મુ-કાશ્મીરથી કલમ 370 હટાવવા પર અને ત્યાં પ્રતિબંધ લગાવવા વિરૂદ્ધ સુપ્રીમ કોર્ટમાં અનેક અરજી લગાવવામાં આવી છે. જેની પર સુનાવણી ચાલી રહી છે. આજ રોજ કાશ્મીર મુદ્દાને લઇને દાખલ 8 PIL પર સુનાવણી થવાની છે. આ દરમ્યાન સુપ્રીમ કોર્ટનો નિર્ણય આવી શકે છે.

કોંગ્રેસ નેતા અને રાજ્યસભામાં વિપક્ષનાં નેતા ગુલામ નબી આઝાદે જમ્મુ-કાશ્મીર પુનર્ગઠનની સૂચના અને ત્યાં લગાવવામાં આવેલાં પ્રતિબંધો વિરૂદ્ધ અરજી દાખલ કરી છે, જેની પર સોમવારનાં રોજ સુપ્રીમ કોર્ટમાં ચીફ જસ્ટિસ રંજન ગોગોઇ, જસ્ટિસ શરદ અરવિંદ બોબડે અને જસ્ટિસ સૈયદ અબ્દુલ નજીરની ત્રણ સભ્યોની વિશેષ બેંચ હશે.

આ બેંચની સામે જમ્મુ-કાશ્મીરથી કલમ 370 અને 35Aને ખતમ કરવાનાં આદેશ અને ત્યાર બાદ ત્યાં લગાવવામાં આવેલ પ્રતિબંધોને પડકાર આપનારી અનેક અરજીઓ પહેલેથી જ સુનાવણી માટે નક્કી છે. તહસીન પૂનાવાલા, પત્રકાર અનુરાધા ભસીન, શહલા રશીદ, સીતારામ યેચુરી, વાઇકો અને ગુલામ નબી આઝાદ સહિત અનેક અરજીઓની સુનાવણી ઝીણવટપૂર્વક થશે.