ધમનીઓનું મુખ્ય કામ લોહીના માધ્યમથી ઓક્સીજનને હાર્ટ સુધી પહોંચાડવું છે. ધમનીઓની દીવાલ બહુ જ નાજુક હોય છે. જેથી જ્યારે ત્યાં પ્લાક જમા થાય ત્યારે લોહીનું પરિભ્રમણ અવરોધાય છે. જેથી હાર્ટ એટેકનો ખતરો વધી શકે છે. જેથી હાર્ટને હેલ્ધી રાખવા માટે ધમનીઓને હેલ્ધી રાખવી ખૂબ જ જરૂરી છે. ધમનીઓમાં રહેલાં હાનિકારક ટોક્સિન્સને આપણે સ્વાસ્થ્યવર્ધક ખાદ્ય પદાર્થોનું સેવન કરીને દૂર કરી શકીએ છીએ. જેથી આજે અમે તમને એવા ફૂડ્સ વિશે જણાવીશું, જે તમારી ધમનીઓને સાફ અને હેલ્ધી રાખશે.
હાર્ટ એટેકનો ખતરો ઘટાડે છે આ ફૂડ્સ
ધમનીઓને હેલ્ધી રાખવા ખાઓ આ ફૂડ્સ
ધમનીઓમાં રહેલાં હાનિકારક ટોક્સિન્સને કરે છે દૂર
દાડમ
દાડમમાં ભરપૂર એન્ટીઓક્સીડેન્ટ્સ હોય છે. દાડમ નાઈટ્રિક એસિડના ઉત્પાદન માટે શરીરને પ્રેરિત કરે છે. જેનાથી લોહીનું પરિભ્રમણ યોગ્ય રીતે થાય છે અને ધમનીઓને ખુલવામાં મદદ મળે છે. જેથી ધમનીઓને સાફ અને સ્વસ્થ રાખવા દાડમને ડાયટમાં સામેલ કરો.
બ્રોકલી
શરીરમાં લોહીનું પરિભ્રમણ સુધારવા માટે બ્રોકલી બહુ જ ફાયદાકારક રહે છે. તેમાં રહેલાં વિટામિન કે ધમનીઓને થતાં નુકસાનથી બચાવે છે. જેથી ધમનીઓને સ્વસ્થ રાખવા માટે બ્રોકલી ખાવી જોઈએ.
ઓલિવ ઓઈલ
શુદ્ધ ઓલિવ ઓઈલમાં ફેટ્સ બહુ ઓછાં હોય છે. જેથી તેનું સેવન કરવાથી કોલેસ્ટ્રોલ વધતું નથી. તેમાં સારી માત્રામાં પોલીફિનોલ્સ એન્ટીઓક્સીડેન્ટ્સ હોય છે. LDL કોલેસ્ટ્રોલનું સ્તર ઘટાડે છે અને HDL કોલેસ્ટ્રોલનું સ્તર વધારે છે. જેનાથી હાર્ટ હેલ્ધી રહે છે.
સેમન ફિશ
સેમન ફિશમાં સારી માત્રામાં હેલ્ધી ફેટી એસિડ અને એન્ટીઓક્સીડેન્ટ્સ હોય છે. જે ધમનીઓને સાફ રાખવામાં મદદ કરે છે. સાથે જ તે ખરાબ કોલેસ્ટ્રોલને દૂર કરીને હાર્ટને હેલ્ધી રાખે છે.
ટામેટા
ટામેટાંમાં રહેલું લાઈકોપિન બેસ્ટ એન્ટીઓક્સીડેન્ટનું કામ કરે છે. આ લોહીમાં ખરાબ કોલેસ્ટ્રોલની માત્રાને ઘટાડે છે અને ધમનીઓમાં અવરોધ પેદા થતાં રોકે છે. જેથી રોજ ટામેટાં ખાવાથી ધમનીઓને સ્વસ્થ રાખવામાં મદદ મળે છે.