પુણ્યતિથી કે રાજકીય મંચ? / હાર્દિક પટેલ પિતાની પુણ્યતિથિમાં રાજકીય હરીફોનું આગમન, CM ભૂપેન્દ્ર પટેલ-CR પાટીલ આવે સંભાવના

• વિરમગામમાં હાર્દિકના પિતાની પુણ્યતિથિનો કાર્યક્રમ
• મુખ્યમંત્રી ભુપેન્દ્ર પટેલ પણ હાજરી આપે તેવી શક્યતા
• ભાજપ અને કોંગ્રેસના પ્રદેશ પ્રમુખ હાજર રહે તેવી શક્યતા 

વિરમગામમાં હાર્દિક પટેલના પિતાની પુણ્યતિથિને લઈને કાર્યક્રમ

કોંગ્રેસના કાર્યકારી અધ્યક્ષ હાર્દિક પટેલના પિતાની પ્રથમ પુણ્યતિનિ નિમિત્તે હાર્દિકના નિવાસસ્થાન વિરમગામ ખાતે અનેક ધાર્મિક કાર્યક્રમ રાખવામાં આવ્યા છે, જેમાં પક્ષપાત વિના તમામ પક્ષના નેતા અને આગેવાનોને આમંત્રણ આપવામાં આવ્યું છે.  સવારથી શરૂ થયેલા કાર્યક્રમમાં અનેક ભાજપ અને કોંગ્રેસના રાજકીય આગેવાનો આવી રહ્યા છે. 

ગુજરાત કોંગ્રેસના કાર્યકારી અધ્યક્ષનો સામાજિક કાર્યક્રમ બનશે રાજકીય

હાર્દિક પટેલના પિતાની વાર્ષિક પુણ્યતિથિમાં હાર્દિક પટેલે ભાજપ અને કોંગ્રેસના નેતાઓને આમંત્રણ આપ્યું છે. આ સાથે  મુખ્યમંત્રી ભૂપેન્દ્ર પટેલ અને ભાજપ-પ્રમુખ સીઆર પાટીલ પણ હાજરી આપવાના હોવાની ચર્ચાએ જોર પકડ્યું છે એવું કહેવાય છે કે હાર્દિક પટેલ કોંગ્રેસથી નારાજ છે અને ભાજપમાં જોડાય એવી વાતો ચાલી રહી છે, એ સમયે જ આ કાર્યક્રમમાં રાજકીય નેતાઓની હાજરીની ભારે હલચલ ચાલી રહી છે.

હાર્દિકની નારાજગી વચ્ચે રાજકીય ડ્રામા જેવો સર્જાશે માહોલ
 
કાર્યક્રમમાં વિરમગામ નગર પાલિકાના ભાજપના પૂર્વ પ્રમુખ રિના પડ્યા, શહેર ભાજપ મંત્રી પ્રમોદ પટેલ, અમદાવાદ જિલ્લા પચાંયતના સદસ્ય હરિ પરમાર, પૂર્વ ધારાસભ્ય હર્ષદ ઠક્કર, શહેર ભાજપ પૂર્વ મહામંત્રી, વિરમગામ તાલુકા સદસ્ય નલિન કોટડીયા, યુથ કોંગ્રેસના ગુજરાતના પ્રમુખ વિશ્વનાથસિંહ વાઘેલા, તેજશ્રી બેન પટેલ, પરેશ ધાનાણી, સાયલાના મહારાજ, ભાજપના નેતા ચિરાગ પટેલ, પૂર્વ ધારાસભ્ય પ્રાગજી પટેલ, પાસના પૂર્વ નેતા ચિરાગ પટેલ તેમજ અલગ અલગ સમુદાયના સાધુ-સંતો પણ આવ્યાં છે.ત્યારે હાર્દિક પટેલના પિતાની પ્રથમ વાર્ષિક પુણ્યતિથીમાં રાજકીય ડ્રામા જેવો માહોલ સર્જાશે