જાસૂસી કાંડ / VIDEO : હવે શું ગણવું! પહેલગામ હુમલાના બીજા દિવસે કેક લાવનારા પાકિસ્તાની એજન્ટ સાથે દેખાઈ જ્યોતિ

ભારતની સંવેદનશીલ માહિતી પાકિસ્તાનને આપનારી ભારતીય જાસૂસ જ્યોતિ મલ્હોત્રાને લઈને ચોંકાવનારા ખુલાસા થઈ રહ્યાં છે. જ્યોતિનો એક વીડિયો વાયરલ થઈ રહ્યો છે જેમાં તે પહેલગામ હુમલાના બીજા જ દિવસે પાકિસ્તાની એજન્ટ સાથે દેખાઈ હતી. આ પાકિસ્તાની એજન્ટ હુમલાના બીજા જ દિવસે પાકિસ્તાની હાઈ કમિશનમાં કેક લઈને આવ્યો હતો જેની સાથે જ્યોતિ પણ હતી.

એજન્ટ સાથે અંતરંગ સંબંધો બનાવ્યાં

જ્યોતિએ પાકિસ્તાની ગુપ્તચર એજન્સીના એજન્ટ સાથે ખૂબ અંતરંગ સંબંધો બનાવ્યાં હતા એટલું જ નહીં પરંતુ તેઓ બન્ને ઈન્ડોનેશિયાના બાલી ટાપુ પર એક અઠવાડિયું રોકાયાં હતા. જ્યોતિ મલ્હોત્રાની પાકિસ્તાનના લોકો સાથેની નિકટતા એટલી હતી કે તેમને પાકિસ્તાનના રાષ્ટ્રીય દિવસ પર પાકિસ્તાન હાઇ કમિશનમાં આમંત્રણ આપવામાં આવ્યું હતું. તેણીએ તેની યુટ્યુબ ચેનલ પર આનો એક વિડીયો પણ પોસ્ટ કર્યો, જેમાં તે પાકિસ્તાન હાઈ કમિશનના અધિકારીઓ અને તેમના પરિવારના સભ્યો સાથે ખૂબ જ મૈત્રીપૂર્ણ વાતચીત કરતી જોવા મળે છે.

પહેલગામ હુમલા સાથે શું કનેક્શન

જ્યોતિ માર્ચમાં પાકિસ્તાન ગઈ હતી અને પહેલગામ આતંકવાદી હુમલો એપ્રિલમાં જ થયો હતો. જ્યોતિ ડિસેમ્બર-જાન્યુઆરીમાં પહેલગામ ગઈ હતી. પછી માર્ચમાં પાકિસ્તાન. આવી સ્થિતિમાં, કેટલાક લોકો તેનું પહેલગામ હત્યાકાંડ સાથે જોડાણ પણ શોધી રહ્યા છે. જોકે, અત્યાર સુધી તપાસ એજન્સીઓએ આવું કંઈ કહ્યું નથી. આ અંગે વધુ માહિતી જાહેર કરવામાં આવી નથી.

પાકિસ્તાનથી ભારત આવીને માહિતી આપવા લાગી

ભારત પરત ફર્યા પછી, જ્યોતિએ વોટ્સએપ, સ્નેપચેટ, ટેલિગ્રામ અને અન્ય માધ્યમો દ્વારા પાકિસ્તાની ગુપ્તચર એજન્સીઓને ગુપ્ત માહિતી મોકલવાનું શરૂ કર્યું. જોકે, તેણે પાકિસ્તાનને કઈ માહિતી આપી તે જાહેર કરવામાં આવ્યું નથી. પોલીસે જ્યોતિનો મોબાઈલ, લેપટોપ અને તેનો બધો સામાન જપ્ત કર્યો છે અને તેને 5 દિવસના રિમાન્ડ પર મોકલી દીધી છે.

1 વર્ષ પહેલાં શખ્સે શું ફરિયાદ કરી

કપિલ જૈન નામના એક X યુઝરે મે 2024 માં રાષ્ટ્રીય તપાસ એજન્સીને તેની પ્રવૃત્તિઓની તપાસ કરવાની ચેતવણી આપી હતી. તેણે કહ્યું કે એનઆઈએ, કૃપા કરીને આ મહિલા પર નજર રાખો.. તે પહેલા પાકિસ્તાની દૂતાવાસમાં ગઈ હતી અને ત્યાં પહોંચી હતી, પછી 10 દિવસ માટે પાકિસ્તાન ગઈ હતી અને હવે તે કાશ્મીર જઈ રહી છે... આ બધા પાછળ કોઈ કડી હોઈ શકે છે," જૈને જ્યોતિ મલ્હોત્રાના યુટ્યુબ પેજનો સ્ક્રીનશોટ શેર કરતા પોસ્ટ કર્યું હતું.

વધુ વાંચો : પાક. ગુપ્તચર અધિકારીઓ જ્યોતિ મલ્હોત્રાને શું કહેતા ખબર છે? હેરતમાં મૂકાશો, છોકરી જાણે તો લાજી મરે

જ્યોતિ નીકળી પાકિસ્તાની જાસૂસ

જ્યોતિ, જેની યુટ્યુબ ચેનલ અને ઈન્સ્ટાગ્રામ એકાઉન્ટમાં અનુક્રમે 3.77 લાખ સબ્સ્ક્રાઇબર્સ અને 1.33 લાખ ફોલોઅર્સ છે, તે દિલ્હીમાં પાકિસ્તાન હાઇ કમિશનમાં કામ કરતા એક પાકિસ્તાની કર્મચારીના સંપર્કમાં હોવાનું કહેવાય છે. 13 મેના રોજ, ભારતે તે પાકિસ્તાની અધિકારીને જાસૂસીમાં સામેલ હોવાના આરોપસર હાંકી કાઢ્યો હતો. 16 મેના રોજ સિવિલ લાઇન્સ પોલીસ સ્ટેશનમાં નોંધાયેલી એફઆઈઆર મુજબ, 2023 માં, જ્યોતિ પાકિસ્તાન હાઇ કમિશનમાં એહસાન-ઉર-રહીમ ઉર્ફે દાનિશના સંપર્કમાં આવી હતી જ્યાં તે પડોશી દેશની મુલાકાત લેવા માટે વિઝા મેળવવા ગઈ હતી. એફઆઈઆરમાં જણાવાયું છે કે બે વાર પાકિસ્તાનની મુલાકાત લેનાર જ્યોતિ દાનિશના પરિચિત અલી અહવાનને મળી હતી જેણે તેના ત્યાં રહેવાની વ્યવસ્થા કરી હતી.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ