બંગાળ / BIG BREAKING: CM મમતા બેનરજીએ પાર્થ ચેટરજીને મંત્રી પદેથી હટાવ્યા, કૌભાંડમાં ધરપકડ બાદ કાર્યવાહી

• બંગાળ સ્કૂલ ભરતી કૌભાંડમાં મોટી કાર્યવાહી 
• સીએમ મમતા બેનરજીએ પાર્થ ચેટરજીને મંત્રી પદેથી હટાવ્યાં
• મમતા બેનરજી તમામ વિભાગોનો હવાલો સંભાળશે 
• સ્કૂલ ભરતી કૌભાંડના આરોપી છે પાર્થ ચેટરજી
• હાલમાં ઈડીની કસ્ટડીમાં છે 

બંગાળ સ્કૂલ ભરતીમાં ઈડી દ્વારા ધરપકડ થયેલા મંત્રી પાર્થ ચેટરજીની સામે મમતા સરકારે એક મોટી કાર્યવાહી કરી છે.  મમતા સરકારે પાર્થ ચેટરજીને મંત્રી પદેથી હટાવવાની જાહેરાત કરી છે. 

Arrested Bengal minister Partha Chatterjee removed from ministry with immediate effect: Official order

— Press Trust of India (@PTI_News) July 28, 2022

પાર્થ ચેટરજીને ઉદ્યોગ પ્રધાનની સાથે સાથે તમામ હોદ્દા પરથી હટાવાયા 
બંગાળના મુખ્ય સચિવ દ્વારા જારી કરાયેલા આદેશ અનુસાર, પાર્થ ચેટર્જીને ઉદ્યોગ પ્રધાનના પદની સાથે સાથે બાકીના પદો પરથી પણ દૂર કરવામાં આવ્યા છે. તેમને સૂચના અને પ્રસારણ વિભાગ, સંસદીય બાબતોના વિભાગ વગેરેમાંથી પણ પાણીચૂ પકડાવી દેવામાં આવ્યું છે. શિક્ષક ભરતી કૌભાંડમાં ઈડી દ્વારા ધરપકડ થયા બાદ તેમની સામે આવી કાર્યવાહી કરવામાં આવશે તેવું મનાતું હતું જે સાચુ પડ્યું છે. 

સીએમ મમતા બેનરજી વિભાગો સંભાળશે 
અત્યાર સુધી પાર્થ ચેટરજીની પાસે જે પણ વિભાગોનો હવાલો હતો તે તમામ વિભાગો હવે સીએમ મમતા બેનરજી સંભાળશે. 

Bengal CM Mamata Banerjee will look after industry, other portfolios held by sacked minister Partha Chatterjee for the time being: Officials

— Press Trust of India (@PTI_News) July 28, 2022

શિક્ષક ભરતી કૌભાંડમાં ઈડીએ પાર્થ ચેટરજીની ધરપકડ કરેલી છે 
ઉલ્લેખનીય છે કે શિક્ષક ભરતી કૌભાંડ મામલે ઈડી દ્વારા પાર્થ ચેટર્જીની ધરપકડ કરવામાં આવી છે. અર્પિતા મુખર્જી પકડાયા બાદ પાર્થની ધરપકડ કરવામાં આવી હતી. અર્પિતાના ઘરે પાડવામાં આવેલા દરોડામાં લગભગ 20 કરોડ રૂપિયાની રોકડ મળી આવી હતી.

Partha Chatterjee, accused in West Bengal SSC recruitment scam, relieved of his duties as Minister in Charge of his Departments with effect from 28th July: Government of West Bengal pic.twitter.com/12Asu6b4L8

— ANI (@ANI) July 28, 2022

પાર્થ ચેટરજીની સાથી અર્પિતા મુખરજીના ઘેરથી બે વાર 20 કરોડની રકમ મળી 
બુધવારે અર્પિતાના બીજા ઘરમાં દરોડા પાડવામાં આવ્યા હતા. તેને લગભગ 20કરોડ રૂપિયાની રોકડ પણ મળી હતી. આ સાથે જ ત્યાંથી અનેક કિલોગ્રામ સોનું પણ મળી આવ્યું હતું. ઈડીનું માનવું છે કે આ એ જ પૈસા છે જે શિક્ષક ભરતી કૌભાંડમાં લાંચ તરીકે લેવામાં આવ્યા હતા.