રાજસ્થાનના ઝાલોરના પ્રવિણ વાના નામના શખ્સ સુરતમાં જૈમિન સવાણીને ડ્રગ્સ આપવા આવ્યો હતો
સુરત નિયોલ ચેકપોસ્ટ પરથી ડ્રગ્સ ઝડપાયું
MD ડ્રગ્સ સાથે રાજસ્થાની યુવક ઝડપાયો
પોલીસે 58.530 ગ્રામ MD ડ્રગ્સ કબજે કર્યું
ગુજરાતના રાજકોટ, વડોદરા, અમદાવાદ અને સુરતમાં ડ્રગ્સ મળવાના બનાવોમાં મોટો વધારો થયો છે. મોટા શહેરોમાં મોટાપાયે ડ્રગ્સ સ્મગલિંગ થતું હોવાની ભીતિ સેવાઇ રહી છે ત્યારે સુરતમાં વધુ એક વખત કડોદરા રોડ નિયોલ ચેકપોસ્ટ પરથી ડ્રગ્સ ઝડપાવાનો કિસ્સો સામે આવ્યો છે. MD ડ્રગ્સ સાથે રાજસ્થાની યુવકને ઝડપી પાડ્યો છે.
પોલીસેઆરોપી પાસેથી 58.530 ગ્રામ MD ડ્રગ્સ કબજે કર્યું. જેની કિમત લાખોમાં અંકાઇ રહી છે. ઝાલોરના પ્રવિણ વાના નામના શખ્સ પાસે ડ્રગ્સનો જથ્થો સરથાણાના જૈમીન સવાણીએ મંગાવ્યો હતો. જેથી પોલીસે પોલીસે જૈમીન સવાણી સહિત બેને વોન્ટેડ જાહેર કરી વધુ તપાસ હાથ ધરી છે.
ગઈકાલે અમદાવાદના શાંતીપુરા નજીકથી 2 લોકોની ઘરપકડ કરાઇ
અમદાવાદ ગ્રામ્ય એસઓજીએ શાંતીપુરા નજીકથી બે આરોપીની એમડી ડ્રગ્સની હેરાફેરી કરે તે પહેલાં ડ્રગ્સના જથ્થા સાથે ધરપકડ કરી છે. પોલીસ પકડમાં રહેલા બન્ને આરોપી મૂળ અમદાવાદના સરખેજ જુહાપુરાના રહેવાસી છે. બંને આરોપીના નામ મહોમ્મદ એજાજ અને શાહનવાઝ ગાંગી છે .પોલીસે બન્ને આરોપી પાસેથી 17.050 ગ્રામ ડ્રગ્સનો જથ્થો કબજે કરવામાં આવ્યો છે, જેની કિંમત રૂ. 1લાખ 70 હજાર થાય છે.શહેર માં વધતા ડ્રગ્સ ના દૂષણ ની વચ્ચે ગ્રામ્ય એસઓજી ઝડપેલાં આરોપી ની પૂછપરછ કરતા બન્ને આરોપીઓ વેજલપુરના આદિલ નામના ઇસમ પાસેથી એમડી ડ્રગ્સ લાવ્યા હતા અને ત્યાર બાદ તેની ડિલિવરી કરવાના હતા. હાલ ગ્રામ્ય એસઓજીએ ડ્રગ્સ મામલે બન્ને આરોપીને કોર્ટ સમક્ષ રજુ કરી 3 દિવસ ના રિમાન્ડ મેળવ્યા છે.ત્યારે હાલ તો પોલીસે મુખ્ય આરોપી સુધી પહોંચવા માટે તપાસ શરૂ કરી છે.