ગુંડાગીરી / અમરેલીનો બાપ પોલીસના સકંજામાં, SP નિર્લિપ્ત રાયને પડકારનારા છત્રપાલ વાળાની ધરપકડ

• છત્રપાલસિંહ વાળા ટ્રાન્સપોર્ટનો ધંધો ચલાવે છૈ
• અમરેલીનો રહેવાસી છે છત્રપાલસિંહ વાળા 
• છત્રપાલસિંહ વાળા વિરૂદ્ધ અનેક ગુનાઓ 

અમરેલીના પેટ્રોલપંપના માલિક પાસેથી ખંડણી માગનાર છત્રપાલસિંહ વાળાની ધરપકડ થઈ ગઈ છે. અમરેલી પોલીસે તેની ધરપકડ બાદ એક ફોટો પણ જાહેર કર્યો છે. ફરિયાદના આધારે પોલીસે ગોંડલ પાસેના મોવિયા ગામેથી છત્રપાલની ધરપકડ કરી છે. LCB,SOG અને સિટી પોલીસે ટીમ બનાવી કાર્યવાહી કરી હતી. મહત્વનું છે કે, ગુરૂદત્ત પેટ્રોલપંપના માલિક હિતેશભાઇ પાસેથી ખંડણી માગી હતી. ફોન કરીને રૂપિયા 10 લાખણી ખંડણી માગી હતી. ખંડણીની ધમકીમાં અમરેલીના SPને પણ પડકાર ફેંક્યો હતો. ખંડણી અને ધમકીને લઇને અમરેલી પોલીસે તપાસ હાથધરી છે. 

VTVના અહેવાલનો પડઘો પડ્યો છે. અમરેલીમાં રૂપિયા 10 લાખની ખંડણીની ધમકીનો ઓડિયો વાયરલ થયો હતો. આ મામલે અમરેલીના પોલીસ સુપ્રિટેન્ડન્ટે ટ્વીટ કરીને જણાવ્યું હતું કે, FIR નોંધાયાના 48 કલાકમાં LCB ટીમ દ્વારા આરોપી છત્રપાલસિંહ વાળાની ધરપકડ કરવામાં આવી છે. 

અમરેલી ગુરુદત્ત પેટ્રોલપંપના માલિકને ફોન કરી પ્રોટેક્શન માટે રૂ.૧૦ લાખની ખંડણી માંગી, પરિવાર ઉપર ફાયરિંગ કરવાની ધમકી આપનાર છત્રપાલ ચંદ્રકિશોરભાઈ વાળાને ગોંડલથી મોવિયા તરફ જવાના રસ્તેથી એલ.સી.બી ટીમ દ્વારા પકડી પાડવામાં આવેલ @dgpgujarat @AddlCP_ABAD @CollectorAmr @ashishbhatiaips pic.twitter.com/EVhqaLuafb

— SP AMRELI (@SP_Amreli) June 12, 2021