દિલધડક ઓપરેશન / 425 કરોડના 61 કિલો 'આઇસ ડ્રગ્સ' સાથે 5 ખલાસીઓની ધરપકડ, છેડો ISI સુધી હોવાનો ઘટસ્ફોટ

• ગુજરાત એટીએસ અને કોસ્ટગાર્ડ 61 કિલો ડ્રગ્સનો જથ્થો જપ્ત કર્યો હતો
• આ દોરી સંચારમાં  જાસૂસી સંસ્થા ISI નો હાથમાં હોવાનો ઘટસ્ફોટ
• ખુલાસો થતાં સુરક્ષા એજન્સીઓ પણ ચોંકી ઊઠી

દેવભૂમિ દ્વારકા જિલ્લાના ઓખાથી ૧૮૫ નોટિકલ માઈલ દૂર અરબી સમુદ્રમાં ભારતીય કોસ્ટગાર્ડ તથા એટીએસની ટીમે દિલધડક ઓપરેશન હાથ ધરીને રૂ. ૪૨૫ કરોડના ૬૧ કિલો ડ્રગ્સના જથ્થા સાથે પાંચ ઈરાની ખલાસીઓની ધરપકડ કરી હતી. સમગ્ર ઘટનામાં ચોંકાવનારી વાત એ છે કે મધદરિયે થયેલા ઓપરેશનમાં એટીએસની ટીમે હેરોઇન અને કોકેન કરતાં પણ પાંચ ગણું ખતરનાક ‘આઈસ’ ડ્રગ્સ પકડ્યું છે, જેનો દોરીસંચાર પાકિસ્તાનની શાતિર જાસૂસી સંસ્થા આઇએસઆઇના હાથમાં હોવાનો ઘટસ્ફોટ થયો છે. આઇએસઆઇના ઇશારે જ ‘આઈસ’ ડ્રગ્સ ગુજરાતમાં લવાતું હોવાનો ખુલાસો થતાં સુરક્ષા એજન્સીઓ પણ ચોંકી ઊઠી છે. 

મધદરિયેથી ૪રપ કરોડના ડ્રગ્સના જથ્થા સાથે પાંચ ઇરાની ખલાસીઓની ધરપકડ કરી હતી
ગુજરાતના દરિયાકાંઠાથી પાકિસ્તાન નજીક હોવાના કારણે છેલ્લા કેટલાક સમયથી ડ્રગ્સ માફિયાઓ ગુજરાતને ડ્રગ્સ લેન્ડિંગ માટેનું એપી સેન્ટર માની રહ્યા છે. પાકિસ્તાન જ્યારે પણ દરિયાઇ માર્ગે ગુજરાતમાં ડ્રગ્સ ઘુસાડવા માટેનું ષડ્યંત્ર રચે છે ત્યારે સુરક્ષા એજન્સીઓ સ‌િર્જકલ સ્ટ્રાઇક કરીને પાકના નાપાક ઇરાદાઓ પર પાણી ફેરવી દે છે. થોડા દિવસ પહેલાં એટીએસ અને ઇન્ડિયન કોસ્ટગાર્ડની ટીમે મધદરિયેથી ૪રપ કરોડના ડ્રગ્સના જથ્થા સાથે પાંચ ઇરાની ખલાસીઓની ધરપકડ કરી હતી. 

ડ્રગ્સ ઇરાનના આંતરરાષ્ટ્રીય ડ્રગ્સ માફિયા ગુલામ બલોચીનું હોવાનું પૂછપરછમાં બહાર આવ્યું
પાંચેય ખલાસીઓને કોસ્ટગાર્ડ કચેરીમાં લઇ જવાયા હતા, જ્યાં એટીએસ ઉચ્ચ અધિકારીઓ દ્વારા તેમની આગવી સ્ટાઇલથી પૂછપરછ હાથ ધરાતાં અમુક ચોંકાવનારા ખુલાસા થયા હતા. આ ડ્રગ્સનો જથ્થો ઓખા આવી ગયા બાદ વાહનો મારફતે ઉત્તર ભારતમાં સપ્લાય કરવાનો હતો. એટીએસના વડા દીપેન ભદ્રન તથા એસપી સુનીલ જોશી તથા સ્ટાફ દ્વારા ભારતીય કોસ્ટગાર્ડને સાથે રાખીને કરાયેલા આ સંયુક્ત ઓપરેશનમાં ૬૧ કિલો જથ્થો આંતરરાષ્ટ્રીય કિંમત ૪ર૭ કરોડનો માલ પકડી લેવાયો હતો, જે ડ્રગ્સ ઇરાનના આંતરરાષ્ટ્રીય ડ્રગ્સ માફિયા ગુલામ બલોચીનું હોવાનું પૂછપરછમાં બહાર આવ્યું હતું. આ ડ્રગ્સનો જથ્થો પાકિસ્તાનના યશની બંદરેથી પાંચ ઈરાની ખલાસીને સાથે રાખી મોકલવામાં આવ્યો હતો.

ગુલામ બલોચી આઇએસઆઈના ઇશારે ડ્રગ્સ ગુજરાતમાં મોકલતો હતો
સમગ્ર ઘટનામાં ચોંકાવનારી વાત એ છે કે ડ્રગ્સ હેરોઇન અને કોકેન નથી, પરંતુ ‘આઈસ’ ડ્રગ્સ છે, જે અફઘાનિસ્તાનમાં થાય છે અને કેમિકલ પ્રોસેસ કરી તેને વધુ ખતરનાક બનાવવામાં આવે છે. આધારભૂત સૂત્રોના જણાવ્યા અનુસાર ‘આઈસ’ ડ્રગ્સ નશેડીઓમાં જાણીતા હેરોઇન અને કોકેન કરતાં પણ પાંચ ગણું ખતરનાક છે. ગુલામ બલોચીએ અગાઉ પણ ડ્રગ્સનો જથ્થો ગુજરાતમાં મોકલવાની કોશિશ કરી હોવાનું સામે આવ્યું છે. ગુલામ બલોચી આઇએસઆઈના ઇશારે ડ્રગ્સ ગુજરાતમાં મોકલતો હોવાનું સામે આવી રહ્યું છે. 

પાંચેય ઇરા‌િનયન શખ્સોને ત્રણ દિવસના રિમાન્ડ ઓખા કોર્ટે આપ્યા
એટીએસ-કોસ્ટગાર્ડના જોઇન્ટ ઓપરેશનમાં ધરપકડ કરાયેલા ઈરાનના મોહસીન અયુબ બલોચ, અસગર રિયાઝ બલોચ, ખુદાબક્ષ હાજીહાલ બલોચ, રહીમબક્ષ મિલાબક્ષ બલોચ અને મુસ્તફા આદમ બલોચ સહિતના પાંચેય શખ્સોની પૂછપરછ સાથે વધુ તપાસ હાથ ધરાઈ છે. આ પાંચેય ઇરા‌િનયન શખ્સોને ત્રણ દિવસના રિમાન્ડ ઓખા કોર્ટે આપ્યા છે. 
મોહસીન અયુબ સહિતના આરોપીઓએ જણાવ્યું છે કે ગત ર માર્ચના રોજ પાકિસ્તાનના યશની બંદરેથી આ માલ લઈને નીકળ્યા હતા. ત્યાર બાદ ઓખાથી ૧૮પ નોટિકલ માઈલ દૂર આંતરરાષ્ટ્રીય જળસીમા પર ગુજરાતમાંથી આવનાર ડિલિવરી બોટની રાહ જોતા હતા, જોકે એટીએસ તથા કોસ્ટગાર્ડની ટીમે તમામને દબોચી લીધા હતા.

આઇસ ડ્રગ્સને પ્રોસેસ કરીને ચાર ગણું બનાવીને હજારો કરોડ કમાવવાનો પ્લાન
પાકિસ્તાનથી આવતા ડ્રગ્સને પ્રોસેસ કરીને ચાર ગણું બનાવાય છે: પાકિસ્તાન અને અફ્ઘા‌િનસ્તાનથી આવતા ડ્રગ્સની ક્વો‌િલટી એટલી પ્યોર હોય છે કે તેને પ્રોસેસ કરીને ચાર ગણું બનાવી શકાય છે. ડ્રગ્સ પાકિસ્તાનમાં તૈયાર થાય છે અને પછી દરિયાઇ માર્ગે ગુજરાતમાં આવે છે. ત્યાર બાદ તેને દેશ બહાર  તેમજ ઉત્તર ભારતમાં મોકલવામાં આવે છે. ડ્રગ્સની ક્વો‌િલટી એટલી શુદ્ધ હોય છે કે ડ્રગ્સ માફિયાઓ તેને પ્રોસેસ કરીને ચાર ગણું બનાવે છે અને હજારો કરોડ રૂપિયા કમાય છે. આઇસ ડ્રગ્સને પ્રોસેસ કરીને ચાર ગણું બનાવીને હજારો કરોડ કમાવવાનો પ્લાન હતો.

હવાલા મારફતે આઇએસઆઇમાં ફંડ પહોંચતું હોવાની આશંકા 
એજન્સીઓને એવી આશંકા છે કે, ડ્રગ્સથી કમાયેલા રૂપિયાને થોડા થોડા કરીને હવાલા મારફતે દુબઇમાં મોકલવામાં આવે છે અને ત્યારબાદ તેને પાકિસ્તાનમાં આઇએસઆઇમાં પહોચાડાય છે. ડ્રગ્સથી કમાયેલા રૂપિયાથી આઇએસઆઇ આંતકવાદને પ્રોત્સાહન આપીને દેશને બરબાદ કરવાના પ્લાન ઘડે છે.

 

 

 

 

View this post on Instagram

 

 

 

 

 

 

 

 

 

 

 

A post shared by VTV Gujarati News and Beyond (@vtv_gujarati_news)