ચૂંટણી પૂર્વે શિક્ષણમાં સ્માર્ટ બનવા અમદાવાદ મનપાનો પ્રયાસ, AAPની દિલ્લી શિક્ષણ મોડલ અંગે રાજનીતિ બાદ શિક્ષણ સમિતિ સક્રિય બની
અમદાવાદમાં વધુ 2 સ્માર્ટ શાળાઓ ખુલ્લી મુકાઇ
ઓગષ્ટ સુઘી 42 સ્માર્ટ શાળાઓ ખુલ્લી મુકવા આયોજન
અમદાવાદમાં સ્માર્ટ શાળાનો આંક 13 એ પહોંચ્યો
ચૂંટણી પહેલા સ્માર્ટ એજ્યુકેશનના પ્રયાસરૂપે અમદાવાદમાં વધુ 2 સ્માર્ટ શાળાઓ વિદ્યાર્થીઓ માટે ખુલ્લી મૂકવામાં આવી છે. ચૂંટણી પૂર્વે શિક્ષણમાં સ્માર્ટ બનવા અમદાવાદ મનપાનો પ્રયાસ કરવામાં આવી રહ્યો છે. જોવા જઈએ તો AAPની દિલ્લી શિક્ષણ મોડલ અંગે રાજનીતિ બાદ શિક્ષણ સમિતિ સક્રિય બની છે. જેથી ઓગષ્ટ સુઘી 42 સ્માર્ટ શાળાઓ ખુલ્લી મુકવાનું આયોજન કરવામાં આવ્યું છે.
અમદાવાદમાં સરકારી શાળાઓમાં આધુનિક લેબ-ડિજિટલ બૉર્ડની વ્યવસ્થા સાથેની વધુ 2 સ્માર્ટ શાળાઓ વિદ્યાર્થીઓ માટે ખુલ્લી મૂકવામાં આવી છે. જેને લઈ હવે અમદાવાદમાં સ્માર્ટ શાળાનો આંક 13 એ પહોંચ્યો છે. આ તરફ હવે શિક્ષણ સમિતિ દ્વારા ઓગષ્ટ સુઘી 42 સ્માર્ટ શાળાઓ ખુલ્લી મુકવાનું આયોજન પણ કરવામાં આવ્યું છે.
આધુનિક લેબ-ડિજિટલ બૉર્ડની વ્યવસ્થા
ખાનગી શાળાઓને ટક્કર આપે એવી સરકારી શાળાઓની શરૂઆત અમદાવાદમાં થઈ ચૂકી છે. અમદાવાદની આ સ્માર્ટ શાળાઓ ગણિત-વિજ્ઞાન પ્રયોગશાળા, ગુગલ સ્માર્ટ રૂમથી સજ્જ છે. આ સાથે ડિજિટલ બોર્ડ, સીસીટીવી અને ફુલપ્રુફ ફાયર સુવિધાથી શાળાને સજ્જ કરવામાં આવી છે. આ સાથે નાના બાળકો રમકડાંથી સજ્જ પ્લે એરિયા પણ ઉભો કરાયો છે.