પશ્ચિમ બંગાળ સરકારમાં મંત્રી પાર્થ ચેટર્જીના નજીકના ખઆસ અર્પિતા મુખર્જીના ઘરે ઈડીએ દરોડા પાડ્યા છે.
પશ્ચિમ બંગાળમાં મોટી ઈડીની મોટી કાર્યવાહી
મમતા સરકારના મંત્રીના ખાસ માણસને ત્યાં ઈડીના દરોડા
20 કરોડની રોકડ રકમ જપ્ત થઈ
પશ્ચિમ બંગાળ સરકારમાં મંત્રી પાર્થ ચેટર્જીના નજીકના ખઆસ અર્પિતા મુખર્જીના ઘરે ઈડીએ દરોડા પાડ્યા છે. કેટલાય કલાક સુધી ચાલી રહેલા આ દરોડામાં ઈડીએ 20 કરોડની આસપાસ રોકડ જપ્ત કરી છે. આ કાર્યવાહીની જે તસ્વીરો સામે આી છે, તેમાં નોટોનો એક મોટો અંબાર જોવા મળી રહ્યો છે.
પ્રાપ્ત વિગતો અનુસાર જોઈએ તો, ઈડીની આ કાર્યવાહી બંગાળ શિક્ષણ ભરતી કૌભાંડ મામલે થઈ હતી. ઈડીને અર્પિતા વિરુદ્ધ અમુક અઠવાડીયા પહેલા પાક્કા પુરાવા મળ્યા હતા. જે બાદ તેમના ઘર પર દરોડા પાડવામાં આવ્યા હતા. કેટલાય કલાક સુધી ચાલેલી રેડમાં નોટોનો ઢગલો મળી આવ્યો હતો. તપાસ કરી રહેલી ટીમ હાલમાં પણ તેમના ઘરમાં તલાશી લઈ રહી છે.
ED is carrying out search operations at various premises linked to recruitment scam in the West Bengal School Service Commission and West Bengal Primary Education Board. pic.twitter.com/oM4Bc0XTMB
હાલમાં અર્પિતા ઉપરાંત ઈડી અન્ય ઘણા સ્થળો પર દરોડા પાડી રહી છે. આ યાદીમા મંત્રી પાર્થ ચેટરજી, રાજ્યના શિક્ષણ મંત્રી માણિક ભટ્ટાચાર્ય, આલોક કુમાર સરકાર, કલ્યાણ મેયો ગાંગુલી જેવા નામ પણ સામેલ છે. આ તમામ બંગાળ શિક્ષણ ભરતી કૌભાંડમાં સામે આવ્યા છે. પરંતુ સૌથી મોટી કાર્યવાહી અર્પિતા સામે થઈ છે, જેને પોતાના ઘરે 20 કરોડ રોકડા મળ્યા છે. દરોડા દરમિયાન ઈડીએ તેના ઘરમાંથી 20 ફોન પણ જપ્ત કર્યા છે. અર્પિતા તે ફોન દ્વારા શું કરતી હતી તે હજુ સ્પષ્ટ નથી થયું, પરંતુ ઈડીએ પણ તેને પોતાની તપાસમાં સામેલ કરી છે. સાથે જ નોટોની સંખ્યા આટલી મોટી હોવાના કારણે આવી સ્થિતિમાં બેંક અધિકારીઓને પૈસા ગણવા માટે બોલાવવામાં આવ્યા છે. નોટ ગણવાના મશીનો પણ આવી ગયા છે. આ સમયે તેમના ઘરે નોટોની ગણતરી ચાલી રહી છે, આવી રીતે જોઇએ તો કુલ આંકડો પણ વધારે હોઇ શકે છે.