પાકિસ્તાનમાં ભારે બરફવર્ષા અને મુશળધાર વરસાદના કારણે હિમસ્ખલન અને ભૂસ્ખલનની ઘટનાઓ બની છે. મહિલાઓ અને બાળકો સહિત 75 લોકો મૃત્યુ પામ્યા છે. ૪૦થી વધુ ઘાયલ થયા છે. સખત ઠંડી અને ખરાબ મોસમે દેશભરના લોકોમાં ખૂબ જ મુશ્કેલીઓ ઊભી કરી છે.
PAKમાં ભારે બરફવર્ષા અને મુશળધાર વરસાદથી હિમસ્ખલન અને ભૂસ્ખલનની ઘટનાઓ બની
PAKમાં મહિલાઓ અને બાળકો સહિત 75 લોકો મૃત્યુ પામ્યા, ૪૦થી વધુ ઘાયલ
બલુચિસ્તાનમાં પણ વરસાદ અને બરફવર્ષાની ઘટનાઓમાં ૧૭ લોકો મૃત્યુ પામ્યા
માર્ગ-વાહન વ્યવહાર અને સંચાર સેવાઓ ગંભીર રીતે પ્રભાવિત થઇ છે. કેટલાય વિસ્તારોમાં ઠંડીના કારણે જનજીવન ઠપ થઇ ગયું છે અને દેશભરમાં લગભગ ૭પ જેટલા લોકો મૃત્યુ પામ્યા છે. એક વરિષ્ઠ સરકારી અધિકારીએ જણાવ્યું કે છેલ્લા ર૪ કલાકમાં પીઓકેમાં હિમસ્ખલનની ઘટનાઓથી કમસે કમ પ૭ લોકો મૃત્યુ પામ્યા છે અને અન્ય લાપતા થયા છે. એક માત્ર બલુચિસ્તાનમાં પણ વરસાદ અને બરફવર્ષાની ઘટનાઓમાં ૧૭ લોકો મૃત્યુ પામ્યા છે.
ખરાબ મોસમના કારણે ૪પ લોકો ઘાયલ થયા છે, જ્યારે ૩પ મકાનો પણ ક્ષતિગ્રસ્ત થયાં છે. બલુચિસ્તાનના વિવિધ ભાગમાં ભીષણ બર્ફીલા તોફાનથી મહિલાઓ અને બાળકો સહિત અનેક યાત્રીઓ ફસાઇ ગયા હતા. પાકિસ્તાનના સૌથી મોટા બલુચિસ્તાનના કેટલાક ભાગોમાં મહિલાઓ અને બાળકો સહિત કમસે કમ ૧૪ લોકો મૃત્યુ પામ્યા હતા અને ૧રથી વધુ લોકો ઘાયલ થયા હતા.
રાહત અને નાગરિક રક્ષા પ્રધાન સૈયદ શાહિદ મોહીદ્દીન કાદરીએ જણાવ્યું કે ઊંચા વિસ્તારોમાં ભારે બરફવર્ષા અને વરસાદના કારણે ઘણા રસ્તા ખરાબ થઇ ગયા છે. મુશળધાર વરસાદથી સિયાલકોટ, ગુજરાલ અને પંજાબના અન્ય શહેરોમાં પૂર આવ્યું છે.