સુરતઃ 700 GRD જવાનોને છુટા કરાયા હોવાનું સામે આવ્યું છે. 8 વર્ષની નોકરી બાદ GRD જવાનોને છુટા કરાયા છે.. નોકરીમાંથી છુટા કરાતા જવાનો હેડ કવાર્ટર ખાતે એકઠા થયા હતા.. ફરી નોકરીઓ લેવા જવાનોએ અપીલ કરી હતી.
મહત્વનું છે કે 8 વર્ષથી નોકરી કરતા 700 GRD જવાનોને છૂટા કરી દેવાયા હતા. જેને લઇને તેઓ પોતાની રજૂઆત કરવા માટે પો.કમિ.ની કચેરીએ પહોંચી વિરોધ નોંધાવ્યો હતો. GRDના આ જવાનોએ રજૂઆત કરી હતી કે નોકરીથી બરતરફ કરાયા અને છેલ્લા ચાર મહિનાનો પગાર પણ નથી આપવામાં આવ્યો.
મળેલ માહિતી અનુસાર GRD જવાનોએ પો.કમિ. સતીશ વર્માને રજૂઆત કરી હતી. GRD જવાનોમાં 600 જેટલા જવાનો અને 100-150 જેટલી મહિલાઓ ફરજ બજાવતા હતા. આ તમામ GRD જવાનોને છેલ્લા 4 મહિનાથી પગાર મળ્યો નથી.
સુત્રોના જણાવ્યા અનુસાર સુરત શહેરમાં પોલીસ સ્ટેશનો પર પોલીસ કર્મચારીઓની અછત પૂરી થઇ ગઇ છે તેથી 700 GRDને છૂટા કરી દેવાયા છે. મહત્વનું છે કે આ જવાનો પોલીસ સ્ટેશનમાં PCR વાનમાં ફરજ બજાવતા હતા. ત્યારે હવે તેમની જગ્યા પર હોમગાર્ડ જવાનો ફરજ બજાવશે.