પેટ્રોલ-ડીઝલની કિંમતમાં છેલ્લા 3 દિવસથી સતત ઉછાળો નોંધાઇ રહ્યો છે. લગભગ 83 દિવસ બાદ 7 જૂન બાદ કિંમતમાં ફેરફાર થયાં છે. આ સાથે જ છેલ્લા ત્રણ દિવસમાં પેટ્રોલમાં 1.80 રૂપિયાનો પ્રતિ લીટર વધારો નોંધાયો છે.
પેટ્રોલ-ડીઝલની કિંમતમાં છેલ્લા 3 દિવસથી સતત ઉછાળો
7 જૂન બાદ થયો ફેરફાર
ઉલ્લેખનીય છે કે, જ્યારે ડીઝલમાં પણ એટલો જ વધારો નોંધાયો છે. શું તમને ખબર છે કે, 3 મહિનામાં પેટ્રોલ-ડિઝલ પર લાગતા ટેક્સમાં 3 ગણો(275 ટકા)નો વધારો ઝીંકાયો છે.
ફેબ્રુઆરીમાં કુલ ટેક્સ 107 ટકાની નજીક હતો
ફેબ્રુઆરી મહિનામાં રાજ્ય અને કેન્દ્રને આપવાના થતાં પેટ્રોલ અને ડીઝલ પર કેન્દ્ર પર કેન્દ્રિય કરવેરાનો અંદાજ 107 ટકા હતો, જે હવે વધીને 275 ટકા થઈ ગયો છે. પેટ્રોલની મૂળ કિંમત લગભગ 18 રૂપિયા છે. તેમાં 50 રૂપિયાનો ટેક્સ લાગે છે અને પેટ્રોલ પંપની કિંમત 72 રૂપિયાની નજીક પહોંચી છે.
બેઝ પ્રાઈઝ માત્ર 18 રૂપિયા જ છે
મહાનગરોમાં પેટ્રોલનો સરેરાશ ભાવ પ્રતિ લીટર 72 રૂપિયા છે. બેઝ પ્રાઈસ 18 રૂપિયા પ્રતિ લિટર છે. આ સાથે જ Excise duty લગભગ 33 રૂપિયા અને Value Added Tax 16 રૂપિયા પ્રતિ લિટર છે. આમ, પેટ્રોલ પમ્પના 70 ટકા ભાવ ફક્ત એક્સાઈઝ ડ્યુટી અને વેટના રૂપમાં છે. તે વિશ્વનો સૌથી વધુ કર છે.
અમેરિકામાં માત્ર 19 ટકા ટેક્સ
જો આપણે વિકસિત અર્થવ્યવસ્થા(Developed economy)ની વાત કરીએ તો, અમેરિકામાં કુલ ભાવના 19 ટકા, જાપાનમાં 47 ટકા, યુકેમાં 62 ટકા અને ફ્રાન્સમાં 63 ટકા કર વસૂલવામાં આવે છે. રેટિંગ એજન્સી કેર રેટીંગ્સ કહે છે કે ક્રુડની કિંમત ભારતના ગ્રાહકોને ક્યારેય આપવામાં આવી નથી. એપ્રિલ મહિનામાં ક્રૂડ તેલના ભાવ બેરલ દીઠ 20 ડોલર હતા, પરંતુ તે સમયે ભાવ લિટર દીઠ 70 રૂપિયા હતા.