IPLIN
 
  • Home
  • India
  • Army strikes on terrorists During the encounter in Kupwada

જમ્મુ કશ્મીર / આતંકીઓ પર મોત બનીને ત્રાટકી સેના, કુપવાડામાં એન્કાઉન્ટર દરમિયાન 2 આતંકવાદીઓના ઢાળી દીધા ઢીમ

Team VTV 07:50 AM, 07 Jun 22 | Updated: 07:54 AM, 07 Jun 22
Follow us
Army strikes on terrorists During the encounter in Kupwada

કુપવાડા એન્કાઉન્ટરમાં સુરક્ષા દળોને મોટી સફળતા મળી છે. એન્કાઉન્ટરમાં બે આતંકવાદીઓ માર્યા ગયા છે જેમાં એક પાકિસ્તાની અને બીજો સ્થાનિક છે.  

  • કુપવાડામાં સુરક્ષા દળોને સફળતા
  • બે આતંકવાદીઓ માર્યા ગયા, એક પાકિસ્તાની અને બીજો સ્થાનિક
  • ચકતારસ વિસ્તારમાં એન્કાઉન્ટર થયું હતું

કુપવાડા એન્કાઉન્ટરમાં સુરક્ષા દળોને મોટી સફળતા મળી છે

આ એન્કાઉન્ટરમાં સુરક્ષા દળો દ્વારા લશ્કર-એ-તૈયબાના બે આતંકવાદીઓને ઠાર કરવામાં આવ્યા છે, જેમાં એક પાકિસ્તાની અને બીજો સ્થાનિક છે. હાલ ચકતારસ વિસ્તારમાં સર્ચ ઓપરેશન ચાલુ છે. ઉલ્લેખનીય છે કે, ગૃહ પ્રધાન અમિત શાહે શુક્રવારે ઘાટીમાં પસંદગીની હત્યાઓને પગલે જમ્મુ અને કાશ્મીરમાં સુરક્ષાની સ્થિતિની સમીક્ષા કરી હતી.અધિકારીઓએ આ માહિતી આપી.રાષ્ટ્રીય સુરક્ષા સલાહકાર અજીત ડોભાલ, આર્મી ચીફ મનોજ પાંડે અને જમ્મુ-કશ્મીરના લેફ્ટનન્ટ ગવર્નર મનોજ સિંહા આ બેઠકમાં ભાગ લેનારા અગ્રણીઓમાં સામેલ હતા. 

આતંકવાદીઓનો સફાયો થઈ રહ્યો છે

જમ્મુ-કાશ્મીર પોલીસનું કહેવું છે કે માર્યા ગયેલા આતંકવાદીઓ લશ્કર સાથે સંબંધિત છે અને તેમાંથી એકનું નામ તુફૈલ છે, જે પાકિસ્તાનનો છે. આ સાથે આ એન્કાઉન્ટરમાં પ્રતિબંધિત આતંકવાદી સંગઠનનો આતંકી કમાન્ડર એચએમ નિસાર ખાંડે માર્યો ગયો છે. જેમની પાસેથી ગુનાહિત સામગ્રી, હથિયારો અને દારૂગોળો 01 એકે 47 રાઇફલ મળી આવી હતી. આ પહેલા પણ જમ્મુ અને કાશ્મીરના શોપિયાં જિલ્લામાં આતંકવાદીઓ દ્વારા કરવામાં આવેલા ગ્રેનેડ હુમલામાં બે પરપ્રાંતિય મજૂરો ઘાયલ થયા હતા.

આતંકવાદને કોઈ ધર્મ સાથે કોઈ લેવાદેવા નથી

જમ્મુ-કશ્મીરના એલજી મનોજ સિન્હાએ કહ્યું હતું કે જે આતંકવાદ ફેલાવે છે તેનો કોઈ ધર્મ હોતો નથી. હિંદુ હોય કે મુસલમાન, જે પણ ભારત વિરુદ્ધ કામ કરશે તેની સામે કાર્યવાહી કરવામાં આવશે. જમ્મુ-કશ્મીર સરકાર કોઈની સાથે ભેદભાવ નથી કરી રહી. ઉલ્લેખનીય છે કે, હાલમાં મોટી સંખ્યામાં આતંકવાદીઓને ખતમ કરવાનું ઓપરેશન ચાલી રહ્યું છે. આતંકવાદીઓ સામેની કાર્યવાહી અને છૂટાછવાયા બનાવો સામે આવતાં તેમનામાં નિરાશા છે. જ્યાં સુધી કશ્મીરી પંડિતોનો સવાલ છે, તેમના માટે ઈમાનદારી સાથે અનેક યોજનાઓ ચલાવવામાં આવી રહી છે. જ્યારે તેમને ભાજપના શાસનમાં યાસીન મલિકને પાસપોર્ટ આપવા વિશે પૂછવામાં આવ્યું ત્યારે તેમણે તે પ્રશ્નના જવાબમાં કહ્યું કે ભૂતકાળ પર ટિપ્પણી કરવા કરતાં કંઈક સારું કરવું વધુ સારું છે.

terrorist encounter Army strikes Kupwada Jammu and Kashmir આતંકવાદી એન્કાઉન્ટર કુપવાડા જમ્મુ અને કશ્મીર
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ