વડોદરાઃ CRPFમાં 1969થી જવાનોની ચાલતી ફાઇટિંગ ટ્રેનિંગને બદલીને હવે વડોદરાના ડોનાલ્ડ મેલવિલ નવી ફાઇટિંગ ટ્રેનિંગ આપશે. ડોનાલ્ડ હવે વીંગ શુનની ફાઇટિંગ ટ્રેનિંગ આપશે. ડોનાલ્ડ છેલ્લા 44 વર્ષથી વિવિધ સુરક્ષા દળોને ટ્રેનિંગ આપી રહ્યા છે. આજે વિધાનસભાના અધ્યક્ષ રાજેન્દ્ર ત્રિવેદીએ તેમને સન્માનિત કર્યા હતા.
વડોદરાના ડોનાલ્ડ મેલવીને ગુજરાતને ગૌરવ અપાવ્યુ છે. માર્શલ આર્ટની વિંગ શુનની ડોનાલ્ડ દ્વારા તૈયાર કરવામાં આવેલી ટેકનિક સીઆરપીએફના જવાનોને શિખવવામાં આવે છે. સી.આર.પી.એફમાં 1969થી ચાલતી ફાઇટિંગ ટેક્નિક(યુ.એ.સી-અનઆર્મડ કોમબેટ) બદલીને નવી અત્યાધુનિક ટેક્નિક વીંગ શુન શીખવવાની કામગીરી ડોનાલ્ડ મેલવિલને સોંપાઈ છે. આ મામલે ડોનાલ્ડે 2016માં તાલિમ પધ્ધતિની રૂપ રેખા નક્કી કરી હતી.
અમેરિકા અને જર્મની આ ટ્રેનિંગના આધારે પોતાના જવાનોને તૈયાર...
આજે સીઆરપીએફ બી.એસ.એફ બોર્ડરવિંગ એસ.ટી.એફમાં પણ તેઓ તાલિમ આપી રહ્યા છે. સી.આર.પી.એફના જવાનો તથા અધિકારીઓને ડોનાલ્ડ મધ્ય પ્રદેશના નિમચ અને ગુડગાવમાં ટ્રેનિંગ આપી રહ્યા છે. અમેરિકાની એફ.બી.આઈ અને જર્મનીની જી.એસ.જી 9 પણ આજે ટ્રેનિંગના આધારે પોતાના જવાનોને તૈયાર કરે છે. 2002ના વર્ષમાં ગુજરાત સરકારે પોલીસ દળને વીંગ શુનની ટ્રેનિંગ બદલ બેસ્ટ ચીફ ઇન્સ્ટ્રક્ટરનો એવોર્ડ ડોનાલ્ડ મેલવિલને આપ્યો હતો. ડોનાલ્ડ મેલવિલે નેશનલ પોલીસ એકેડમીમાં તથા ઇન્ડિયન પોલીસ સર્વિસીસના આશરે 250 ઓફિસરોને ટ્રેનિંગ આપી હતી. આઈ.પી.એસ અધિકારી અતુલ કરવાલ 1993થી ડોનાલ્ડ સર પાસે તાલીમ લઇ રહ્યા છે. આજે વિધાનસભાના અધ્યક્ષ રાજેન્દ્ર ત્રિવેદી દ્વારા ડોનાલ્ડ મેલવિલને સન્માનિત કરાયા હતા.
1969ની ફાયટિંગ ટેકનીકને તિલાંજલિ...
વર્ષોથી જેણે વડોદરાને પોતાની કર્મભૂમિ બનાવી છે. અહીંથી આખા દેશમાં માર્શલઆર્ટ વિંગ સુનની એક ખાસ ટેકનીક તૈયાર કરીને આખા દેશના સુરક્ષા જવાનોને તાલીમ આપીને તેમને હથિયાર વગર પણ દુશ્મનોનો કેવી રીતે સામનો કરવો તે શિખાવ્યું છે. એમ કહી શકાય કે આઈપીએ અધિકારીઓ સૈન્યની તમામ પાંખોના જવાનો અમેરિકાની એફબીઆઈ અને જર્મનીની જીએસજીના જવાનો જેવી તાલીમથી સજ્જ બન્યા છે. ડોનાલ્ડ મેલવિલે વિંગ સુનમાં ટ્રેનરો તૈયાર કર્યાં છે. આ તાલીમ માટેના સિલેબસ પણ તૈયાર કર્યા છે. જેના કારણે 1969ની ફાયટિંગ ટેકનીકને તિલાંજલિ આપવામાં આવી છે. સૈન્યના જવાનોને વિંગ સુનની તાલીમથી સજ્જ કરવામાં આવી રહ્યા છે.
અત્યારે હાલ ડોનાલ્ડ સીઆરપીએફના 3 લાખ જવાનોને આ તાલીમ આપવાનું કામ કરી રહ્યા છે. ત્યારે આગામી સમયમાં વધુને વધુ લશ્કરના જવાનો આ તાલીમ લે. તે ઉપરાંત ગુજરાતમાં પણ સરકાર દ્વારા આવી તાલીમ બહેનોને વિના મુલ્યે આપવામાં આવે તેવી વાત વિધાનસભાના અધ્યક્ષે કરી હતી. જોકે હાલ તો ડોનાલ્ડ દ્વારા કરવામાં આવેલી કામગીરી ગુજરાત અને વડોદરા માટે ગૌરવની બાબત છે.