સફળતા / 51 વર્ષ બાદ AN-12 વિમાનનો ગ્લેશિયરમાંથી મળ્યો કાટમાળ

જો કે કેટલાક જવાનોના માલ-સામાન મળ્યાં છે. આ ઓપરેશનથી વિમાનની સાથે લાપતા થયેલા જવાનોના પરિવારજનોને આશા બંધાઇ છે કે તેમના મૃતદેહ અંગે કોઇ જાણકારી મળી શકે છે. જ્યારે બીજી તરફ આ ઓપરેશન દરમિયાન સેનાની વિશેષ ટીમે ગ્લેશિયર સંબંધિત આ વિસ્તારની પૂરી જાણકારી એકઠી કરી હતી, જેથી ભવિષ્યમાં સર્ચ ઓપરેશનને આગળ વધારી શકાય. 

સર્ચ ઓપરેશનમાં એરફોર્સે પણ આપ્યો સહકાર
આ સર્ચ ઓપરેશનમાં વેસ્ટર્ન કમાન્ડની અધ્યક્ષતા હેઠળ ચલાવામાં આવી રહ્યું છે. 26 જૂલાઇના રોજ ટ્રિપીક બ્રિગેડના ડોગરા સ્કાઉટના જવાનોની વિશેષ ટીમ રોહતાંગ પાસે ઉપર ઢાકા ગ્લેશિયરમાં બાતલ રોડ હેડ (13,400 ફૂટ) માટે રવાના થઇ હતી. ટીમે પોતાનું સર્ચ અભિયાનું પ્રથમ ચરણ 3 ઓગસ્ટે શરૂ કર્યું હતું, જે 18 ઓગસ્ટના રોજ પુરુ થયું. આ સર્ચ ઓપરેશન હવાઇ દૂર્ઘટના સ્થળ (17,292 ફૂટ) સુધી ચલાવાયું હતું.

આ સર્ચ ટીમે આ ગ્લેશિયરમાં 80 ડિગ્રી સુધી ઢાળવાળા પહાડ પર જવાનોના મૃતદેહ અને દૂર્ઘટના ગ્રસ્ત વિમાનનો કાટમાળની શોધ કરી. એરફોર્સે 6 ઓગસ્ટે સેનાના આ સર્ચ ઓપરેશનમાં જોડાયા અને વિશેષ ટીમના સભ્યોને બરફ નીચે દબાયેલા વિમાનના કાટમાળને શોધવામાં મદદ કરી.

ઉલ્લેખનીય છે કે 7 ફેબ્રુઆરી 1968માં એરફોર્સના N-12 (BL-534)ને 97 જવાનોને ચંદીગઢથી લેહમાં છોડવા માટેનું ટાસ્ક મળ્યું હતું. જવાન સિવાય આ વિમાનમાં 4 ક્રૂ-મેમ્બર્સ પણ હતા. જો કે લેહ પહોંચ્યા બાદ હવામાન ખરાબ થઇ જતાં પાઇલટને ઝડપથી ચંદીગઢ પરત ફરવાના આદેશ મળ્યાં હતા. વિમાન જ્યારે લેહથી પરત ચંદીગઢ જઇ રહ્યું હતું ત્યારે રોહતાંગના ઢાકા ગ્લેશિયર પાસે દૂર્ઘટનાગ્રસ્ત થયું હતું. ત્યારે તે સમયે માત્ર 5 જવાનના મૃતદેહ મળ્યાં હતાં. 

જો કે હવે કાટમાળની નીચેથી મળ્યો આ સામાન
સર્ચ અભિયાન દરમિયાન હવે AN-12 વિમાનનું એરો એન્જીન, ફ્યૂસ્લેજ, ઇલેકટ્રિક સર્કિટ, પ્રોપેલર, ફ્યૂલ ટેન્ક યૂનિટ, એર બ્રેક એસેમ્બલી, વિમાનનું કોકપિટ ડર સહિત વિમાનમાં સવાર જવાનોનો કેટલોક સામાન  બરફ નીચેથી મળી આવ્યો છે.