બ્રિટિશ આર્મીનાં એક સ્પેશિયલ ઓફિસરે ઇરાકમાં 'જિહાદી બોમ્બ ફેક્ટરી' પર કાર્યવાહીમાં આતંકીઓને ઠાર કરી દીધાં. ડેલીમેલનાં રિપોર્ટ અનુસાર, એક સ્પેશિયલ ઓફિસરે માત્ર 7 સેકન્ડમાં પાંચ આઇએસઆઇએસ આતંકીને મોતને ઘાટ ઉતારી દીધો છે. જેમાંથી બે આતંકીઓએ સુસાઇડ જેકેટ પહેર્યા હતાં અને કોઇ પણ સમયે ખુદને ઉડાવી શકતા હતાં.
Benelli M4 Super 90 સેમી ઓટોમેટિક શૉટગનથી આતંકી પર ફાયરિંગ
આતંકીઓએ પહેર્યું હતું વિસ્ફોટકોથી સજ્જ સુસાઇડ જેકેટ
ઇરાકની રાજધાની બગદાદમાં ચાલેલી કાર્યવાહીમાં MI6 એજન્ટ્સે ઇરાકી સ્પેશિયલ ફોર્સ સાથે મળીને એક બિલ્ડિંગની ઓળખ શંકાસ્પદ બોમ્બ ફેક્ટરી તરીકે કરી હતી. સુરક્ષાદળોને શંકા હતી કે અહીંથી આતંકીઓ હુમલો કરી શકે છે.
શંકાસ્પદ બિલ્ડિંગની ઓળખ કર્યા બાદ સ્પેશિયલ ફોર્સનાં 12 સૈનિકોએ અનેક દિવસો સુધી તેમની દેખરેખ કરવા માટે મોકલવામાં આવ્યાં. સુસાઇડ બ્લાસ્ટોની જાણકારી મળ્યાં બાદ સુરક્ષાદળો (Security forces) એ બિલ્ડિંગ પર છાપું મારવાનો નિર્ણય કર્યો.
જેવાં સુરક્ષાદળનાં જવાન ત્યાં પહોંચ્યાં, હથિયારોથી સજ્જ આતંકીઓ સાથે તેઓની અથડામણ થઇ. તે દરમ્યાન Benelli M4 Super 90 સેમી ઓટોમેટિક શૉટગનથી લેસ એક ઓફિસરે તેની પર ફાયરિંગ શરૂ કરી દીધી અને 7 સેકન્ડમાં 5 આતંકીઓને ઠાર કરી દીધાં. ત્યાર બાદ વધુ કેટલાંક આતંકીઓ બિલ્ડીંગથી બહાર નીકળ્યાં પરંતુ તેઓએ સરેન્ડર કરી દીધાં. તપાસમાં એવું જાણવા મળ્યું કે, બે મૃત આતંકીઓએ વિસ્ફોટકોથી સજ્જ સુસાઇડ જેકેટ પહેરી રાખ્યું હતું.