જમ્મુ-કાશ્મીરમાં સુરક્ષાદળોને મોટી સફળતા મળી છે. બાલાકોટમાં નિયંત્રણ રેખા પર સેનાએ બે આતંકીઓના ઢીમ ઢાળી દીધા છે. હાલ સર્ચ ઓપરેશન ચાલુ છે.
જમ્મુકાશ્મીરમાં સુરક્ષાદળોનું ઓપરેશન
બાલાકોટમાં 2 આતંકીઓને કર્યા ઠાર
રાજૌરી બ્લાસ્ટ કેસમાં સામેલ બે આતંકીઓ ઠાર
સુરક્ષાદળો દ્વારા સમગ્ર વિસ્તારમાં સર્ચ યથાવત
જમ્મુ-કાશ્મીરના બાલાકોટમાં સુરક્ષાદળોને મોટી સફળતા મળી છે. સુરક્ષા દળોએ સર્ચ ઓપરેશન દરમિયાન બે આતંકીઓને ઠાર માર્યા છે. વ્હાઇટ નાઈટ કોર્પ્સે કહ્યું કે, ડાંગરી હુમલામાં સામેલ આતંકવાદીઓને પકડવા માટે ઓપરેશન ચાલી રહ્યું છે. બાલાકોટમાં સરહદ પર તૈનાત સતર્ક સૈનિકોએ અત્યાર સુધીમાં બે આતંકવાદીઓને શોધીને ઠાર માર્યા છે. આ વિસ્તારને કોર્ડન કરી લેવામાં આવ્યો છે અને સર્ચ ઓપરેશન ચાલુ છે.
डांगरी हमले में शामिल आतंकियों को पकड़ने के लिए ऑपरेशन जारी है। बालाकोट में सीमा पर तैनात सतर्क सैनिकों ने अब तक 2 आतंकवादियों का पता लगाकर उन्हें मार गिराया। इलाके की घेराबंदी कर दी गई है और कार्रवाई जारी है: व्हाइट नाइट कॉर्प्स
શંકાસ્પદ હિલચાલ દેખાતા સેનાએ કર્યું ફાયરિંગ
સેનાના વરિષ્ઠ અધિકારીઓએ જણાવ્યું કે, બાલાકોટના એક ગામમાં ગઈ કાલે સાંજે સુરક્ષા દળોએ શંકાસ્પદ હિલચાલ જોવી અને ગોળીબાર કર્યો, જેમાં બે આતંકવાદીઓ માર્યા ગયા. આજે સવારે જ્યારે સેનાએ વિસ્તારમાં સર્ચ ઓપરેશન શરૂ કર્યું, ત્યારે માર્યા ગયેલા આતંકવાદીઓના મૃતદેહ મળી આવ્યા હતા.
જમ્મુમાં વધારી દેવામાં આવી સુરક્ષા
રાજૌરીના ડાંગરી વિસ્તારમાં ટાર્ગેટ કિલિંગ બાદ જમ્મુ ડિવિઝનમાં સુરક્ષા વ્યવસ્થા વધારી દેવામાં આવી છે. સરહદ પર પણ BSF દિવસ હોય કે રાત 24 કલાક સરહદોની સુરક્ષામાં લાગેલું છે. તો સાંબા પ્રશાસન દ્વારા સરહદના એક કિલોમીટરના દાયરામાં નાઇટ કર્ફ્યૂ લાદવામાં આવ્યો છે. BSF સરહદ પર સુરક્ષા વ્યવસ્થાને સતત ચોકસાઈ કરી રહ્યું છે, જેથી આતંકવાદીઓની ઘૂસણખોરીનું ષડયંત્ર સફળ ન થઈ શકે.
2022માં જમ્મુ-કાશ્મીરમાં 172 આતંકવાદીઓને કરાયા ઠાર
જમ્મુ-કાશ્મીર પોલીસે વર્ષ 2022ને કાશ્મીર ક્ષેત્રમાં આતંકવાદ વિરોધી અભિયાનોમાં ખૂબ જ સફળ ગણાવ્યું છે. પોલીસે કહ્યું કે, કાશ્મીર ઘાટીમાં 90થી વધુ ઓપરેશનમાં 172 આતંકવાદીઓ માર્યા ગયા છે. કાશ્મીર પોલીસે માહિતી આપી હતી કે, વર્ષ 2022 દરમિયાન કાશ્મીરમાં કુલ 93 સફળ મુઠભેડ થઈ, જેમાં 42 વિદેશી આતંકવાદીઓ સહિત 172 આતંકવાદીઓ માર્યા ગયા હતા. આમાં સૌથી વધું આતંકીઓ લશ્કર-એ-તૈયબા (LeT)/ધ રેઝિસ્ટન્ટ ફ્રન્ટ (TRF)ના 108 હતા, ત્યારબાદ JeM (35), HM (22), અલ-બદર (4) અને AGUH (3)ના હતા.