જમ્મૂ કાશ્મીરથી અનુચ્છેદ 370 હટાવવા પર છંછેડાયેલું પાકિસ્તાન સતત ભારતમાં ઘુસણખોરી અને આતંકી હુમલો કરવાની તક શોધી રહ્યું છે. જોકે, ભારતીય સેનાએ એકવાર ફરી પાકની યોજનાને નિષ્ફળ બનાવી. પૂંછ જિલ્લામાં બાલાકોટ ગામમાં 120 મિમીનો એક જીવતો મોર્ટાર મળ્યો, જેને સેનાએ નષ્ટ કર્યો હતો.
પાકિસ્તાનનો રહેણાક વિસ્તારો પર મોર્ટાર હુમલો
પાકિસ્તાને સંઘર્ષ વિરામનું ઉલ્લંઘન કર્યું
સેનાએ જીવિત મોર્ટારને સફળતા પૂર્વક નષ્ટ કર્યો
શનિવારે પાકિસ્તાને જમ્મૂ કાશ્મીરના પૂંછ જિલ્લામાં નિયંત્રણ રેખાથી નજીક આવેલા ગામો અને ચોકીઓ પર મોર્ટાર હુમલો કર્યો અને ભારે ફાયરિંગ કરી સંઘર્ષ વિરામનું ઉલ્લંઘન કર્યું. આ દરમિયાન મેંઢર સબ ડિવીઝનના બાલાકોટ ગામની પાસે જીવિત મોર્ટાર મળી આવ્યો હતો.
#WATCH Poonch: Army in a secluded place destroyed 120 mm live mortar shell which was found in proximity of houses in Balakote village in Mendhar Sub-Division on September 14. No loss of life or property reported. #JammuAndKashmirpic.twitter.com/J0bmRuo2eG
સેનાના અધિકારીઓએ જણાવ્યું કે, આ જીવિત બોમ્બને સુરક્ષિત સ્થાન પર લઇ જવામાં આવ્યો અને ત્યાં એને નષ્ટ કરાયો. એમણે જણાવ્યું કે, આ ઓપરેશનને સેનાએ ખુબજ સમજી-વિચારી અને ક્ષણ પણ બગાડ્યા વિના સફળ પાર પાડ્યું. જેથી જાનમાલનું ન કોઇ નુકશાન થયું અને ન કોઇ પ્રકારની ક્ષતિ થઇ.
આ તમામ ઘટનાનો એક વીડિયો સામે આવ્યો છે. જેમા દેખાઇ રહ્યું છે કે, જીવિત મોર્ટાર ઉપર સેનાના જવાન ઘણી બધી બોરી રાખે છે, અને તેમા આગ લગાવી દે છે. કેટલીક ક્ષણો બાદ મોર્ટારમાં બ્લાસ્ટ થઇ જાય છે.