તાકાત / ચીન સરહદ પર ભારતનો નવો પ્રહરી, ગુજરાતમાં થયું છે તૈયાર, 38 કિમી સુધી કરી શકે છે પ્રહાર

• K9 વજ્ર તોપને ચીનની સરહદ પાસે તૈનાત કરવામાં આવી 
• લદાખના પહાડી વિસ્તારોમાં ગોઠવાઈ રહી છે નવી તોપ 
• K9 વજ્ર તોપ દક્ષિણ આફ્રિકાની કે 9 થંડર તોપનું સ્વદેશી સંસ્કરણ

આર્મી ચીફ જનરલ મનોજ મુકુંદ નરવણેએ તાજેતરમાં જ સેનાને 100મી K9 વજ્ર તોપ સોંપી છે. હવે આ તોપોને લદ્દાખની ઊંચાઇએ આવેલા પહાડી વિસ્તારોમાં ગોઠવવામાં આવી છે. સૂત્રોના જણાવ્યા અનુસાર, એક ઉચ્ચ સરકારી સ્ત્રોતે જણાવ્યું હતું કે ગુરુવારે ત્રણ તોપો લેહ પહોંચી હતી, જેને ઉંચાઇ પર ખસેડવામાં આવી રહી છે. અહીં તપાસ કરવામાં આવશે કે શું આ તોપોનો ઉપયોગ ઊંચા વિસ્તારોમાં દુશ્મન સામે થઈ શકે છે.

સેનાને તાજેતરમાં સોંપાણી 100મી K9 વજ્ર તોપ 

સૂત્રોએ જણાવ્યું હતું કે આ હથિયારોની કામગીરીના આધારે સેના તેમની ખરીદી માટે બે કે ત્રણ વધારાની રેજિમેન્ટનો ઓર્ડર આપી શકે છે. જનરલ નરવણે ગુજરાતમાં સુરત નજીક હાજીરા ખાતે લાર્સન એન્ડ ટ્યુબ્રોની ફેક્ટરીમાં ઉત્પાદિત આ તોપોથી સંબંધિત તમામ પ્રવૃત્તિઓ પર નજર રાખી રહ્યા છે. લશ્કરે દક્ષિણ કોરિયાની કંપની પાસેથી આવી 100 તોપો અને તેની ટેકનોલોજી ખરીદવા માટેના સોદા પર હસ્તાક્ષર કર્યા હતા.કે -9 વજ્ર તોપ દક્ષિણ આફ્રિકાની કે 9 થંડર તોપનું સ્વદેશી સંસ્કરણ છે.

આ સ્વયંસંચાલિત તોપ 38 કિ.મી.ની રેન્જ ધરાવે છે અને મુંબઈની લાર્સન એન્ડ ટ્યુબ્રો કંપની દ્વારા દક્ષિણ કોરિયન કંપનીની ભાગીદારીમાં તેને ડિઝાઇન કરવામાં આવી છે. મહત્વનું છે  કે બોફોર્સ કાંડ બાદ સમગ્ર દેશને હચમચાવી પાડ્યો હતો ત્યારબાદ 1986 થી ભારતીય સેનાએ કોઈ નવી ભારે તોપોનો સમાવેશ કર્યો ન હતો. હવે કે -9 વજ્ર, ધનુષ અને એમ 777 અલ્ટ્રા લાઇટ તોપો સાથે સેના તેની આર્ટિલરીમાં નવી તોપો ઉમેરી રહી છે.