આર્મેનિયા અને અજરબૈજાનની વચ્ચે 29 દિવસ ચાલેલું યુદ્ધ આખરે સમાપ્ત થયું છે. બન્ને દેશો માનવીયં સંઘર્ષ વિરામ માટે તૈયાર થઈ ગયા છે. યુદ્ધ બાદ બન્ને દેશોના પ્રતિનિધિઓએ સીઝફાયરનું પાલન કરવા પર મોહર લગાવી છે. અડધી રાતથી બન્ને દેશઓની વચ્ચે યુદ્ધ વિરામ અમલમાં આવ્યું.
ટ્રમ્પે બન્ને દેશોના રાષ્ટ્ર પ્રમુખોને સંઘર્ષ વિરામ માટે અભિનંદન આપ્યા
અમેરિકાની પહેલ પર થઈ છે શાંતિની તરફેણ
અડધી રાતથી બન્ને દેશઓની વચ્ચે યુદ્ધ વિરામ અમલમાં આવ્યું
બન્ને દેશોની વચ્ચે શાંતિની તરફેણ અમેરિકાની પહેલ પર થઈ છે. અમેરિકાના રાષ્ટ્રપતિ ડોનાલ્ડ ટ્રમ્પ અને વિદેશ મંત્રી માઈક પોમ્પિયોએ આનું એલાન કર્યુ છે. ટ્રમ્પે બન્ને દેશોના રાષ્ટ્ર પ્રમુખોને સંઘર્ષ વિરામ માટે અભિનંદન આપ્યા છે.
Congratulations to Armenian Prime Minister Nikol Pashinyan and Azerbaijani President Ilham Aliyev, who just agreed to adhere to a cease fire effective at midnight. Many lives will be saved. Proud of my team @SecPompeo & Steve Biegun & @WHNSC for getting the deal done!
ટ્રમ્પે ટ્વીટ કર્યુ છેકે આર્મેનિયાના પ્રધાનમંત્રી નિકોલ પાશિન્યાન અને અજરબૈજાનના રાષ્ટ્રપતિ ઈલહામ અલીયેવને અભિનંદન. બન્ને દેશો સીઝફાયરના પાલન માટે સહમત થઈ ગયા છે. જે અડધી રાતથી અમલમાં આવ્યું છે. અનેક જીવન બચશે. મને મારી ટીમ માઈક પોમ્પિયો, સ્ટીવ બેગન અને રાષ્ટ્રીય સુરક્ષા પરિષદ પર આ ડીલ માટે ગર્વ છે.
ઉલ્લેખનીય છે કે આર્મેનિયા અને અજરબૈજાનની વચ્ચે નાગોર્નો- કારાબાખને લઈને લગભગ એક મહિનો યુદ્ધ ચાલ્યુ છે. મનાઈ રહ્યું છે કે અત્યાર સુધીમાં બન્ને દેશોના લગભગ 5 હજાર લોકોના મોત થાય છે. દુનિયાભરની નજર યુદ્ધ પર હતી. જોકે હવે યુદ્ધ વિરામથી શાંતિ સ્થપાવાનો અંદાજ લગાવાઈ રહ્યો છે.
નાગોર્નો-કારાબાખની સેનાએ અજરબૈજાનની સેના પર આ વિસ્તારમાં નાગરિકો પર ગોળીબાર કરવાનો આરોપ લગાવ્યો હતો. જેના જવાબમાં અરજબૈજાનના રક્ષામંત્રાલયે કહ્યું તે આર્મેનિયાઈ સેનાએ અજરબૈજાનના ટેરટર, અગદમ અન અધજાબેદી વિસ્તારોમાં ફાયરિંગ કર્યુ હતું. એ બાદ 27 સપ્ટેમ્બરે યુદ્ધ શરુ થયું હતુ.
યુદ્ધને રોકવા માટે 2 વાર રશિયા તરફથી મધ્યસ્થતાનો પ્રયાસ કરાયો હતો. બન્ને વાર યુદ્ધ વિરામ ટકી ન શક્યો અને યુદ્ધ ફરી શરુ થયુ. ત્યારે સૌની નજર આના પર ટકેલી છે કે અમેરિકા તરફથી કરવામાં આવેલો યુદ્ધ વિરામ ક્યાં સુધી ટકશે.