ક્રિકેટ / 'માસ્ટર બ્લાસ્ટર' સચિનનો દિકરો અર્જુન મુંબઇ લીગમાં વેચાયો આટલા રૂપિયામાં

મહાન ક્રિકેટર સચિન તેંડુલકરનો પુત્ર અર્જુન તેંડુલકર ટી20 મુંબઇ લીગની બીજી સિઝન માટે આકાશ ટાઇગર્સે મુંબઇ વેસ્ટર્ન સબર્બ માટે પસંદગી પામ્યો છે. સચિન તેંડુલકર આ લીગનો બ્રાન્ડ એમ્બેસેડર છે. હરાજીમાં અર્જુન તેંડુલકરને ઑલરાઉન્ડર વર્ગમાં એક લાખ રૂપિયાની બેઝ પ્રાઇઝમાં શામેલ કરવામાં આવ્યો. 

આકાશ ટાઈગર્સ મુંબઈ વેસ્ટર્ન સબર્બે ટી20 મુંબઈ લીગની બીજી સીઝન માટે અર્જુન તેંડુલકરને 5 લાખ રૂપિયામાં ખરીદ્યો. સુજીત નાયકને પણ 5 લાખ રૂપિયામાં ખરીદવામાં આવ્યો. અર્જુન તેંડુલકર ભારતની અંડર 19ની ટીમ માટે  અનિધિકૃત ટેસ્ટમાં રમી ચૂક્યો છે. નોર્થ મુંબઈ પેન્થર્સે 5 લાખ રૂપિયાની સૌથી ઊંચી બોલી લગાવી ત્યારપછી હરાજી કરાવી રહેલા ચારુ શર્માએ 2 નવી ટીમો આકાશ ટાઈગર્સ મુંબઈ વેસ્ટર્ન સબર્બ અને ઈગલ ઠાણે સ્ટ્રાઈકર્સને બરાબરી કરવાની તકનો વિકલ્પ આપ્યો.

બંને ટીમોએ ઓટીએમનો વિકલ્પ પસંદ કર્યો કે જેમાં એક બેગમાં 2 કાર્ડ રાખવામાં આવ્યા અને મુંબઇ ક્રિકેટ સંઘ તદર્થ સમિતિના સભ્ય ઉન્મેશ ખાનવિલકરે એક કાર્ડ પસંદ કર્યુ જે આકાશ ટાઇગર્સનું હતુ. જે થકી તેણે જૂનિયર તેંડુલકરને મેળવ્યો. આ લીગ 14 મેના રોજ વાનખેડે સ્ટેડમિયમ શરૂ થશે.