આ એક્ટ્રેસ પર અર્જુન કપૂરનું આવી ગયું દિલ આવતા વર્ષે થઇ શકે છે લગ્ન

બોલીવુડમાં અત્યારે મલાઇકા અરોરા અને અર્જુન કપૂરનાં અફેરની ચર્ચાઓ થઈ રહી છે. તાજેતરમાં અર્જુન કપૂર કરણ જોહરનાં રિયાલિટી શૉ કૉફી વિથ કરણની સીઝન 6માં જ્હાન્વી કપૂરની સાથે પહોંચ્યો હતો. મલાઇકા અરોરા કરણ જોહર અને કિરણ ખેર રીયાલિટી શૉ ઇન્ડિયાઝ ગૉટ ટેલેન્ટને જજ કરી રહ્યા છે. 

શૉ દરમિયાન કરણ જોહર વિડીયો ઇન્સ્ટાગ્રામ પર પણ પોસ્ટ કરતા હોય છે. કરણ જોહરે તાજેતરમાં જ ઇન્સ્ટાગ્રામ પર શેર કરેલો વિડીયો ચર્ચામાં છે જેનું સીધુ કનેક્શન મલાઇકા અને અર્જુન કપૂર સાથે છે. 

આ વિડીયોમાં કરણ જોહર મલાઇકાને પુછે છે કે તમને અર્જુન કપૂરનું શૉમાં આવવું કેવું લાગ્યું? કરણ જોહરનાં આ પ્રશ્નનો મલાઇકાએ સુંદર જવાબ આપ્યો હતો. મલાઇકાએ જવાબ આપતા કહ્યું કે હૉટ અને ઈમાનદારીથી સંપૂર્ણ હતો. મને દરેક ચીજ પસંદ આવી. 

મલાઇકાનાં આ જવાબથી ક્યાંકને ક્યાંક એટલું તો સ્પષ્ટ છે કે બંને વચ્ચે કંઇક તો છે કારણ કે કરણ જોહરે અર્જુન સાથે જોડાયેલો પ્રશ્ન મલાઇકાને જ કર્યો! કરણ જોહર એક તરફ ઇન્ડિયાઝ ગૉટ ટેલેન્ટ શૉ જજ કરી રહ્યા છે તો બીજી તરફ રીયાલિટી શૉ કૉફી વિથ કરણને પણ હૉસ્ટ કરી રહ્યો છે. 

શૉ દરમિયાન અર્જુને ખુલાસો કર્યો હતો કે તે હવે સિંગલ નથી. તેના આ જવાબને મલાઇકા સાથે જોડીને દેખવામાં આવી રહ્યો છે. તો એવા પણ સમાચાર છે કે વર્ષ 2019માં બંને લગ્ન કરી શકે છે. 

એવું પણ કહેવામાં આવી રહ્યું છે કે મુંબઈનાં લોખંડવાલા કૉમ્પલેક્સની પાસે બંનેએ ઘર પણ ખરીદ્યું છે. આ ઉપરાંત મલાઇકા અને અર્જુન કપૂર ઘણીવાર એક સાથે જોવા મળે છે. તાજેતરમાં જ બંને ડિનર ડેટ પર સાથે જોવા મળ્યા હતા.

1 ક્લિક પર જોડાવો VTV ના સોશિયલ એકાઉન્ટ્સ સાથે...