બોલીવુડની છૈયા છૈયા ગર્લ મલાઇકા અરોરા આજે (23 ઓક્ટોબર) તેનો જન્મદિવસ ઉજવી રહી છે. બપોરથી બોલીવુડ સેલેબ્સ સોશિયલ મીડિયા પર ફોટા પોસ્ટ કરીને મલાઈકાને જન્મદિવસની શુભકામના પાઠવી રહ્યા છે. આવામાં અર્જુન કપૂરે પણ મલાઈકાની ખૂબ જ ખાસ રીતે શુભેચ્છા પાઠવી છે.
બોલીવુડ અભિનેતા અર્જુન કપૂરે ઈન્સ્ટાગ્રામ પર એક ફોટો શેર કર્યો છે. ફોટોમાં મલાઇકા અર્જુન સાથે જોવા મળી રહી છે. જેમાં અર્જુન મલાઈકાને કિસ કરતો જોવા મળી રહ્યો છે. જો આ ફોટો નહીં પરંતુ ફોટોની કૅપ્શન પણ એકદમ અલગ છે.
ફોટોના કેપ્શનમાં અર્જુને હાર્ટનો ઇમોજી બનાવ્યો છે. આ સાથે, ફોટો લોકેશન પણ જણાવ્યું છે. પોસ્ટ મુજબ આ ફોટો ઇટાલીના મિલાનનો છે. ઉલ્લેખનીય છે કે કે મલાઇકાના ફોટો અને વીડિયો ગત રાતથી સોશ્યલ મીડિયા પર વાયરલ થઈ રહ્યા છે.
ફોટો અને વીડિયો મલાઈકાની બર્થડે પાર્ટીના છે. જેમાં તેની સાથે અનેક સેલેબ્સ જોવા મળી રહ્યા છે. આ સાથે જ મલાઇકા પાર્ટીના અંદરના ફોટો અને વીડિયોમાં પણ ડાન્સ કરતી જોવા મળી રહી છે.