બોલિવૂડ એક્ટ્રેસ મલાઈકા અરોરા તેના બોલ્ડ અને સ્ટાઈલિશ અંદાજને કારણે હમેશાં ચર્ચામાં રહે છે. તેની તસવીરો અને વીડિયો સોશિયલ મીડિયા પર છવાયેલા રહે છે. સાથે જ અર્જુન સાથેના સંબંધને લઈને પણ મલાઈકા હમેશાં ચર્ચામાં રહે છે. એ જ્યારે પણ અર્જુન સાથે દેખાય છે, તેના ફોટોઝ અને વીડિયો સોશિયલ મીડિયા પર વાયરલ થવા લાગે છે.
હાલમાં જ એવો એક વીડિયો ઈન્ટરનેટ પર ખૂબ જ વાયરલ થઈ રહ્યો છે. જેમાં મલાઈકા અરોરા બોયફ્રેન્ડ અર્જુન કપૂર સાથે હાથમાં હાથ નાખીને જતાં જોવા મળી હતી. વાયરલ વીડિયોમાં અર્જુને મલાઈકાનો હાથ પકડી રાખ્યો છે અને તેની સાથે જતાં જોવા મળી રહ્યો છે.
મલાઈકા અર્જુનના આ વીડિયો પર લોકો ખૂબ કમેન્ટ કરી રહ્યાં છે અને પ્રતિક્રિયા આપી રહ્યાં છે. કેટલાક ફેન્સ બંનેને જલ્દી લગ્ન કરવાનું કહી રહ્યાં છે તો કેટલાક આ બંનેના પ્રેમની પ્રસંશા કરી રહ્યા છે. ઘણાં ફેન્સ બંને વચ્ચેના એજ ડિફરન્સને લઈને પણ કમેન્ટ કરી રહ્યાં છે. સાથે જ લોકો મલાઈકાના ડ્રેસિંગ સેન્સને લઈને પણ કમેન્ટ કરવાનું ચૂકતા નથી.
ઉલ્લેખનીય છે કે, મલાઈકા અને અર્જુને હવે જાહેરમાં પોતાના પ્રેમનો સ્વીકાર કરી લીધો છે, પરંતુ લગ્નના પ્લાન્સને લઈને હાલ બંને સ્ટાર્સ તરફથી કોઈ પ્રતિક્રિયા મળી નથી. લગ્નને લઈને મલાઈકાએ એવું પણ કહ્યું હતું કે, એ જ્યારે પણ અર્જુન સાથે લગ્ન કરશે ત્યારે આ વિશે બધાંને જણાવશે.