ક્રિકેટ / MS ધોનીને જોતાં જ ઈમોશનલ થયો અરિજિત સિંહ, કરી લીધા ચરણ સ્પર્શ, અમદાવાદની તસવીરો થઈ વાયરલ

• IPLની ઓપનિંગ સેરેમનીમાં અરિજીતનું ધમાકેદાર પર્ફોમન્સ 
• સિંગર અરિજિત સિંહે ધોનીના પગને સ્પર્શ કર્યા
• અરિજિતે ફરી એકવાર ચાહકોનું દિલ જીતી લીધું

IPLની શરૂઆત થઈ ગઈ છે અને આ સિઝનની પહેલી મેચમાં ડિફેન્ડિંગ ચેમ્પિયન ગુજરાત ટાઇટન્સે ચેન્નાઈ સુપર કિંગ્સ સામે 5 વિકેટે જીત નોંધાવી હતી. આ મેચ પહેલા સીઝનની ભવ્ય શરૂઆતનું આયોજન કરવામાં આવ્યું હતું, જેમાં બોલિવૂડ અભિનેત્રી રશ્મિકા મંદન્ના, તમન્ના ભાટિયા અને ગાયક અરિજીત સિંહે ધમાકેદાર પર્ફોર્મન્સ આપ્યું હતું. આ સાથે જ ઓપનિંગ સેરેમની દરમિયાન ક્રિકેટ ચાહકોને હૃદય સ્પર્શી નજારો જોવા મળ્યો હતો. 

અરિજિત સિંહે ધોનીના પગને સ્પર્શ કર્યા
જણાવી દઈએ કે જ્યારે સીએસકેના કેપ્ટન એમએસ ધોની ઓપનિંગ સેરેમનીમાં સ્ટાર્સના પ્રદર્શન બાદ સ્ટેજ પર પહોંચ્યા ત્યારે બૉલીવુડના ટોપના સિંગર અરિજિત સિંહે ધોનીના પગને સ્પર્શ કર્યા હતા. હાલ આ ઘટનાની તસવીર સોશિયલ મીડિયા પર ઝડપથી વાયરલ થઈ રહી છે. તસવીરમાં અરિજિત ધોનીના પગને સ્પર્શ કરતો જોઈ શકાય છે. 

Respect 🙏🏻🙏🏻 legend for a reason @arijitsingh @msdhoni ❤️❤️ pic.twitter.com/ZmlrcrgxgN

— Sukhen (@Sukhen85676050) April 1, 2023

અરિજિતે ફરી એકવાર ચાહકોનું દિલ જીતી લીધું
ઓપનિંગ સેરેમનીમાં અરિજિતે પોતાના હિટ ગીતોથી ચાહકોને મંત્રમુગ્ધ કર્યા હતા, સાથે જ અભિનેત્રીઓ રશ્મિકા મંદન્ના અને તમન્ના ભાટિયા પણ જોડાઈ હતી. ઓપનિંગ સેરેમનીમાં સ્ટાર્સના પર્ફોમન્સ પછી ટ્રોફીના અનાવરણ માટે ટીમના કેપ્ટનોને બોલાવવામાં આવ્યા હતા. પહેલા ચેન્નાઈનો કેપ્ટન ધોની સ્ટેજ પર પહોંચ્યો હતો. અરિજિત પાસે પહોંચતા જ અરિજિતે તેના ચરણ સ્પર્શ કર્યા. તેની સ્ટાઇલે ચાહકોનું દિલ જીતી લીધું હતું.

Yesterday Highlight
ARIJIT SINGH × MS DHONI #IPLonJioCinema #ArijitSingh #MSDhoni pic.twitter.com/CfloE64eTJ

— 🎗️𝙀𝙡 𝙍𝙤𝙮 ᴀꜱ ʟᴏᴠᴇʀ🎗️ (@EL_Roy_AS) April 1, 2023

IPL 2023ની પહેલી મેચ ચેન્નઈ સુપર કિંગ્સ અને ગુજરાત ટાઈટન્સ વચ્ચે રમવામાં આવી હતી. મહેન્દ્ર સિંહ ધોનીની કેપ્ટનશીપ હેઠળ ચેન્નઈ સુપર કિંગ્સની ગુજરાત ટાઈટન્સ સામે 5 વિકેટથી હાર થઈ હતી. CSKએ પહેલા બેટીંગ કરી હતી અને 20 ઓવરમાં 7 વિકેટે 178 રન કર્યા હતા. ગુજરાત ટાઈટન્સે 19.2 ઓવરમાં આ ટાર્ગેટ પૂર્ણ કરી લીધો હતો.