IPLIN
 
  • Home
  • Sports
  • Argentina won the FIFA World Cup but will not get the original trophy, you will be wondering why

જાણવા જેવું / આર્જેન્ટીનાએ ફીફા વર્લ્ડકપ તો જીતી લીધો પરંતુ હાથમાં નહીં આવે ઓરિજનલ ટ્રોફી, કારણ જાણી તમે પણ વિચારતા રહી જશો

Team VTV 11:00 AM, 19 Dec 22
Follow us
Argentina won the FIFA World Cup but will not get the original trophy, you will be wondering why

મેસ્સીની ટીમને જીત્યા બાદ પણ વર્લ્ડ કપની અસલ ટ્રોફી મળી શકી નથી આજે અમે તમને તેની પાછળનું કારણ જણાવીશું.

  • મેસ્સીની ટીમને જીત્યા બાદ પણ વર્લ્ડ કપની અસલ ટ્રોફી ન મળી 
  • વિજેતા ટીમ મૂળ ટ્રોફી ઘરે ન લઈ જઈ શકે 
  • આર્જેન્ટિનાની ટીમને મળ્યા આટલા રૂપિયા 

કતારમાં રમાયેલ ફિફા વર્લ્ડ કપ 2022માં આર્જેન્ટિનાની શાનદાર જીત મળી હતી. લિયોનેલ મેસ્સીની ટીમે ફાઈનલ મેચમાં ફ્રાંસને હરાવ્યું હતું. મેચના અંતમાં બંને ટીમો વચ્ચેની ફાઇનલ મેચનો નિર્ણય પેનલ્ટી શૂટઆઉટથી થયો હતો અને મેસ્સીની ટીમે 4-3થી ટાઇટલ મેચ જીતી લીધી હતી.અત્યાર સુધી કુલ 3 વખત આર્જેન્ટીનાએ વિશ્વકપ જીત્યો છે. ફ્રાન્સ સતત વિશ્વકપ જીતનો ઇતિહાસ ન દોહરાવી શકી.અગાઉ 2006માં પણ ફાઇનલમાં પેન્લટી શૂટઆઉટમાં ફ્રાન્સ હાર્યું હતું. રોમાંચક મુકાબલા સાથે ફિફા વિશ્વકપની આ વર્ષે પૂર્ણાહુતિ થઈ છે. અત્યાર સુધી વિશ્વકપની ફાઇનલમાં ૩ વખત પેન્લટી શૂટઆઉટની સ્થિતિ આવી છે.
જોકે, મેસ્સીની ટીમને જીત્યા બાદ પણ વર્લ્ડ કપની અસલ ટ્રોફી મળી શકી નથી. આવી સ્થિતિમાં આજે અમે તમને તેની પાછળનું કારણ જણાવીશું.

... તો અસલી ટ્રોફી ન મળી
ફાઈનલ મેચ બાદ વિજેતા ટીમને જે ટ્રોફી આપવામાં આવી હતી તેની કહાની પણ ઘણી રસપ્રદ છે. ફાઇનલ મેચની વિજેતા ટીમને માત્ર ઉજવણી કરવા માટે જ અસલ ટ્રોફી આપવામાં આવી હતી. ફિફાના અધિકારીઓ એવોર્ડ સમારોહ પછી વિજેતા ટીમ પાસેથી અસલ ટ્રોફી પાછી લઈ લે છે તેનો અર્થ એ થયો કે આર્જેન્ટિનાની ટીમ આ ટ્રોફી ઘરે ન લઈ જઈ શકી. જણાવી દઈએ કે તેના બદલે વિજેતા ટીમને ડુપ્લીકેટ ટ્રોફી આપવામાં આવી છે અને આ ડુપ્લિકેટ ટ્રોફી કાંસાની બનેલી હોય છે અને તેના પર સોનાનું પડ ચઢાવવામાં આવેલ હોય છે.

ફિફા વર્લ્ડ કપની મૂળ ટ્રોફી મોટાભાગે ઝુરિચમાં ફિફા હેડક્વાર્ટરમાં જ રહે છે. તેને ફક્ત ફિફા વર્લ્ડ કપ ટૂર, વર્લ્ડ કપ મેચ દરમિયાન જ દુનિયા સમક્ષ લાવવામાં આવે છે. જણાવી દઈએ કે વર્ષ 2005માં, FIFA એ એક નિયમ બનાવ્યો હતો કે વિજેતા ટીમ મૂળ ટ્રોફી ઘરે લઈ જશે નહીં.

અગાઉ જુલ્સ રિમેટ ટ્રોફી આપવામાં આવી હતી
પ્રથમ વખત ફૂટબોલ વર્લ્ડ કપ 1930માં શરૂ થયો હતો. તે સમયે વિજેતા ટીમને આપવામાં આવતી ટ્રોફીનું નામ જુલ્સ રિમેટ ટ્રોફી હતું. જુલ્સ રિમેટ ટ્રોફી 1970 સુધી ચેમ્પિયન ટીમોને આપવામાં આવી હતી. આ પછી વર્લ્ડ કપ ટ્રોફીને ફરીથી ડિઝાઇન કરવામાં આવી. નવી ટ્રોફી ડિઝાઇન કરવાનું કામ ઇટાલિયન કલાકાર સિલ્વિયો ગાઝાનિયાને આપવામાં આવ્યું હતું. આ ટ્રોફી 1974ની સીઝનથી આપવામાં આવી છે, જેને ફીફા વર્લ્ડ કપ ટ્રોફી કહેવામાં આવે છે.

18 કેરેટ સોનું વપરાયું છે
ફિફા વર્લ્ડ કપ ટ્રોફીનું વજન અંદાજે 6.175 કિલોગ્રામ છે અને તેને બનાવવા માટે 18 કેરેટ સોનું (75 ટકા) વપરાયું છે. ટ્રોફીની લંબાઈ 36.8 સેમી છે અને તેની સપાટીનો વ્યાસ 13 સેમી છે. ટ્રોફીના પાયા પર મેલાકાઈટ પથ્થરના બે સ્તરો સ્થાપિત કરવામાં આવ્યા છે. વર્ષ 1994માં આ ટ્રોફીમાં થોડો ફેરફાર કર્યા બાદ વિજેતા ટીમનું નામ લખવા માટે તેના નીચેના ભાગમાં એક પ્લેટ મૂકવામાં આવી હતી. તમને યાદ અપાવીએ કે ફાઇનલ મેચની વિજેતા ટીમને 347 કરોડ રૂપિયા અને ઉપવિજેતા ટીમને 248 કરોડ રૂપિયા આપવામાં આવશે.

આર્જેન્ટિનાની ટીમને મળ્યા આટલા રૂપિયા 
જણાવી દઈએ કે વર્લ્ડ કપ જીતનાર આર્જેન્ટિનાની ટીમને કુલ 347 કરોડ રૂપિયાની પ્રાઇસ મની આપવામાં આવી છે. સાથે જ રનર અપ ટીમ ફ્રાંસને 248 કરોડ રૂપિયા આપવામાં આવ્યા છે. આ સિવાય વર્લ્ડ કપમાં ત્રીજા સ્થાને રહેલી ક્રોએશિયાની ટીમને 223 કરોડ રૂપિયા અને ચોથા સ્થાને રહેલી મોરોક્કોને 206 કરોડ રૂપિયા આપવામાં આવ્યા છે.

ફિફા વર્લ્ડ કપ 2022 લિયોનેલ મેસ્સી આર્જેન્ટિના ફિફા વર્લ્ડકપ Fifa World Cup 2022
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ