ફિફા વર્લ્ડકપ / આર્જેન્ટીના વિજેતા બનતા સુનિલ ગ્રોવરે કરી રમૂજી પોસ્ટ, એવો ફોટો શેર કર્યો કે સોશિયલ મીડિયામાં મચી ધમાલમસ્તી

• સુનીલ ગ્રોવરે ઈન્સ્ટાગ્રામ પર એક ફોટો શેર કર્યો
• ભારતીય પેઢીઓથી આર્જેન્ટીનાને કરી રહ્યાં છે સપોર્ટ
• પ્રશંસકો હસીહસીને લોટપોટ થયા

સુનીલ ગ્રોવરે કરી મજાક 

યુઝર્સે સુનીલ ગ્રોવરની પોસ્ટને વાયરલ કરી દીધી છે. કોમેડિયન સુનીલ ગ્રોવર કોઈ પણ વાતમાં મજાક કરવામાં ક્યારેય પાછળ રહેતા નથી. રવિવારે સાંજે કતારમાં ચાલી રહેલા ફીફા વર્લ્ડ કપ 2022ની ફાઈનલ મેચ હતી. આ મેચ આર્જેન્ટીના અને ફ્રાન્સની વચ્ચે હતી. બંને ટીમોએ સારી મેચ રમી. પરંતુ જીત આર્જેન્ટીનાને પ્રાપ્ત થઇ. એવામાં વિશ્વભરની સાથે-સાથે આર્જેન્ટીનાના ભારતીય પ્રશંસકો પણ અત્યંત ખુશ છે. આ વાત પર સુનીલ ગ્રોવરે મજાક કરી છે. 

સુનીલ ગ્રોવરે શેર કરી ફની પોસ્ટ 

સુનીલ ગ્રોવરે ઈન્સ્ટાગ્રામમાં એક ફોટો શેર કર્યો છે. આ સાથે તેમણે લખ્યું કે કેવીરીતે પેઢીઓથી ભારતીય ફૂટબોલ પ્રશંસકો આર્જેન્ટીનાને સપોર્ટ કરી રહ્યાં છે. જો કે, તેમણે જે વસ્તુનો ફોટો શેર કર્યો છે, તે ખૂબ ફની છે. સુનીલે જૂના જમાનાના સ્ટાઈલવાળા વ્હાઈટ અને બ્લૂ મેલ અન્ડરવેરનો ફોટો પોસ્ટ કર્યો છે. તમે બધાએ પોતાના ઘરમાં ગમે તે પુરૂષ સભ્યને ક્યારેક આ અન્ડરવેર પહેરતા જરૂર જોયા હશે. વ્હાઈટ કપડા પર વાદળી ડિઝાઈનવાળો આ અન્ડરવેર આર્જેન્ટીનાની ટીમની જરસીથી મેચ થતો આવે છે. સુનીલે આ બતાવતો ફોટો શેર કર્યો અને પ્રશંસકો હસીહસીને લોટપોટ થયા. 

 

 

 

 

View this post on Instagram

 

 

 

 

 

 

 

 

 

 

 

A post shared by Sunil Grover (@whosunilgrover)

યુઝર્સ હસીહસીને લોટપોટ થયા 

અભિનેતા સુમીત વ્યાસે કોમેન્ટ કરી, હાહાહાહા. મારા પરદાદાને તેમની પર ભરોસો હતો. એક પ્રશંસકે લખ્યું, મારા દાદાજીએ તો આજીવન સપોર્ટ કર્યો છે. અન્ય એક યુઝરે લખ્યું, શક્તિ કપૂર બાદ ડૉક્ટર ગુલાટીએ આ બરમૂડો ફેમસ કર્યો છે. મિસ યૂ સુનીલ સર. કેટલાંક યુઝર્સ એવા પણ છે, જે સુનીલ ગ્રોવરને કહી રહ્યાં છે કે તેમણે આર્જેન્ટીનાના ધ્વજની મજાક ના બનાવવી જોઈએ.