મતગણતરી / ઈલાકા તેરા, ધમાકા હમારા : હૈદરાબાદમાં ચૂંટણી પરિણામો પર ભાજપ નેતાએ ઔવેસીને આપ્યો જવાબ

ભાજપ નેતા ગૌરવ ભાટિયા એ ગ્રેટર હૈદરાબાદ મ્યુનિ. કોર્પ. ના પરિણામોમાં ભાજપના પ્રદર્શન પર પ્રશંસા જાહેર કરતાં કહ્યું હતું કે ઇલાકા તેરા ઔર ધમાકા  મેરા..નોંધનીય છે કે આ નિવેદન દ્વારા તેમણે હૈદરાબાદથી સાંસદ અસદુદ્દીન ઓવૈસીની ચેતવણીનો જવાબ આપ્યો હતો, ઓવૈસીએ એક નિવેદનમાં હૈદરાબાદમાં ભાજપને ઘૂસવાને લઈને પડકાર ફેંક્યો હતો. 

Gratitude to the people of Telangana for reposing faith in PM Narendra Modi led BJP’s politics of development, tweets Union Home Minister Amit Shah#GHMCElections pic.twitter.com/T86yvdsJCu

— ANI (@ANI) December 4, 2020

ગૌરવ ભાટિયાએ વધુમાં કહ્યું હતું કે, દક્ષિણના દરવાજા પણ હવે અમારા માટે ખૂલી રહ્યા છે અને હૈદરાબાદ પણ હવે ભગવા રંગમાં રંગાઈ રહ્યું છે. આ દર્શાવે છે કે અમારા નેતૃત્વ પાર હવે દરેકને ભરોસો છે. વધુમાં ભાટિયાએ કહ્યું હતું કે જો તમે ઝેર ઓકશો તો અમે પણ નીલકંઠ છીએ, બરાબર જવાબ આપીશું અને બતાવીશું કે અમારી વિચારધારામાં કેટલો દમ છે. 

નોંધનીય છે કે ગ્રેટર હૈદરાબાદ મ્યુનિ. કોર્પ.ના 150 બેઠકોના પરિણામ આવી ગયા છે જેના અનુસાર હાલમાં તેલંગાણાની સત્તાધીશ પાર્ટી TRS 56 સીટો પર વિજયી બનીને સૌથી મોટી પાર્ટી બની છે, ગત વખતે માત્ર ચાર સીટો જીતેલી ભાજપ 49 સીટો સાથે બીજા નંબરની સૌથી મોટી પાર્ટી બની છે જ્યારે કે ઓવૈસીની પાર્ટી 43 સીટ સાથે ત્રીજા સ્થાન પર ફસકી છે અને કોંગ્રેસને માત્ર 2 સીટોથી જ સંતોષ માનવો પડ્યો છે. 

TRS had 99 seats in Hyderabad, this has come down to 55 now. We had 4 seats and we have won 50 as of now. The number of seats of AIMIM has also gone down, the same goes for TRS. BJP has today emerged as a strong party: MoS (Home) G Kishan Reddy #GHMCElectionresults pic.twitter.com/XSEYGnS3ty

— ANI (@ANI) December 4, 2020

આ મુદ્દે અમિત શાહે ટ્વીટ કરીને કહ્યું હતું કે તેલંગાણાની જનતા એ પીએમ મોદીના નેતૃત્વમાં ભરોસો દર્શાવ્યો છે. ઉલ્લેખનીય છે કે ભાજપ તેલંગાણામાં આ જીત થકી તેના માટે નવું પોલિટિકલ ગ્રાઉન્ડ શોધી રહ્યું છે, જેના દ્વારા તેલંગાણામાં તે સત્તા સુધી પહોંચી શકે. 

150 બેઠકોના પરિણામ 

ભાજપ નેતા કિરીટ સોમૈયાએ ટ્વિટ કર્યું

GHMC ચૂંટણીનાવલણમાં ભાજપને બહુમતી મળી રહી હોવાનું જોવા મળી રહ્યું છે. ત્યારે મતગણતરી વચ્ચે ભાજપ નેતા કિરીટ સોમૈયાએ ટ્વિટ કર્યું. કિરીટ સોમૈયાએ ટ્વિટ કરી લખ્યું કે હૈદરાબાદમાં વિજય અમારો છે, આવતા વર્ષે મુંબઇનો વારો છે.

2016માં ભાજપને મળી હતી 3 બેઠક

2016માં ગ્રેટર હેદરાબાદ નગર નિગમની ચૂંટણીની વાત કરીએ તો TRSને 150 વોર્ડમાંથી 99 વોર્ડમાં જીત મળી હતી જ્યારે ઓવૈસીની પાર્ટી AIMIMને 44 વોર્ડમાં જીત મળી હતી. જ્યારે ભાજપનો માત્ર 3 ત્રણ નગર નિગમ વોર્ડમાં વિજય થયો હતો. જ્યારે કોંગ્રેસ માત્ર 2 વોર્ડમાં જીતી મેળવી શકી હતી. 

આ વખતે પણ 50 ટકા મતદાનથી દૂર

ભારતીય જનતા પાર્ટી તરફથી અમિત શાહ સહિત ઘણા દિગ્ગજ નેતાઓએ પ્રચાર કર્યા પછી પણ મતદાનની ટકાવારીમાં કોઇ મોટો ઉલટફેર થયો નહી. આ વખતે પણ 46.55 ટકા મતદાન થયું. 2009ના હેદરાબાદ નગર નિગમ ચૂંટણીમાં 42.04 ટકા જ્યારે 2016માં થયેલ નગર નિગમ ચૂંટણીમાં 45.29 ટકા લોકોએ જ મતદાન કર્યું હતું. જો કે છેલ્લા 2 ચૂંટણી કરતા આ વખતે વધારે મતદાન થયું છે.