બે દિવસ પહેલા લખનઉમાં રોડ શો દ્વારા ભવ્ય સ્વાગત બાદ કોંગ્રેસ મહાસચિવ પ્રિયંકા ગાંધી વાડ્રા એક્ટિવ મૂડમાં નજરે આવી રહી છે. પહેલા દિવસની બેઠક સવારે સાડા પાંચ વાગ્યે ખતમ કર્યા બાદ એ બીજા દિવસની બેઠક શરૂ કરી ચુકી છે. એ દરેક જિલ્લાના કાર્યકર્તાઓ સાથે મીટિંગ કરી રહી છે. એ દરમિયાન પ્રિયંકાને મળવા આવતા કોંગ્રેસ કાર્યકર્તાઓને એક ફોર્મ ભરાવવામાં આવી રહ્યું છે. જે સોશિયલ મીડિયા પર વાયરલ થઇ રહ્યું છે. રસપ્રદ તો એ છે કે આ ફોર્મમાં કાર્યકર્તાઓના વોટ્સએપ નંબર ઉપજાતિ અને ટ્વિટર હેન્ડલની યાદી માંગવામાં આવી રહી છે.
કાર્યકર્તાઓ દ્વારા ભરાવવામાં આવેલા ફોર્મમાં સોશિયલ મીડિયા અકાઉન્ટ્સથી જોડાયેલી જાણકારીઓ પૂછવી એ વાતનો સ્પષ્ટ સંકેત છે કે પ્રિયંકા એવું જાણી ગઇ છે કે લોકસભાની જંગ જીતવા માટે સોશિયલ મીડિયા કેટલું જરૂરી છે. એટલા માટે આ પ્લેટફોર્મ નો મોટા પાયે ઉપયોગ કરવા પર જોર આપી રહી છે.
આ ફોર્મ પર નામ સરનામાની સાથે એક કોલમમાં પૂછવામાં આવ્યું છે કે શું તમે વોટ્સએપ કે ટ્વિટર પર છો? જો છો તો વોટ્સએપ નંબર અને ટ્વિટર માટે જણાવો. જો કે આ કોલમ ઓપ્શનલ છે પરંતુ જાણવા મળી રહ્યું છે કે યૂપી કોંગ્રેસમાં આવું પહેલી વખત થઇ રહ્યું છે કે જ્યારે કાર્યકર્તાઓથી સોશિયલ મીડિયા પર સક્રિયતા પર પ્રશ્નો પૂછવામાં આવી રહ્યા છે.
રસપ્રદ વાત એ છે કે ખુદ પ્રિયંકાએ ટ્વિટર હેન્ડલ બે દિવસ પહેલા જ બનાવ્યું છે. જો કે હજુ સુધી એને કોઇ ટ્વિટ કરી નથી. એવું લાગી રહ્યું છે રે પોતાની પરંપરાવાદી વિચારથી આગળ વધતા કોંગ્રેસ હવે ઝડપથી સોશિયલ મીડિયાના મહત્વને સમજી રહી છે.
અત્રે ઉલ્લેખનીય છે કે નરેન્દ્ર મોદી ખાસ કરીને પોતાના સોશ્યલ મીડિયા અકાઉન્ટ્સ પર ઍક્ટિવ રહેવા માટે જાણીતા છે. આ ઉપરાંત ગત લોકસભા જીતવા જે રીતે ભાજપે સોશ્યલ મીડિયા પર પોતાનો પ્રચાર કર્યો હતો જેનો ઘણાં અંશે ચૂંટણીમાં ફાયદો થયો હતો. નિષ્ણાતોના મતાનુસર મોદી સરકાર બનવામાં ક્યાંકને ક્યાંક સોશ્યલ મીડિયાનો પણ મહત્વનો ફાળો રહ્યો હતો. જેથી કહી શકાય કે પ્રિયંકા પણ આ વાત જાણી ગઈ છે કે આજના જમાનામાં સોશ્યલ મીડિયા પ્રચાર તેમ જ લોકો સાથે સીધો સંપર્ક કરવા માટે સોશ્યલ મીડિયા સૌથી શ્રેષ્ઠ માધ્યમ બની રહેશે.
સોશિયલ મીડિયા અકાઉન્ટ્સ ઉપરાંત ફોર્મમાં જાતિ અને ઉપ જાતિ પણ પૂછવામાં આવી છે. એટલે કે કોંગ્રેસ એવું સમજી ગઇ છે કે કાસ્ટ વગર માપદંડ બનાવીને યૂપીમાં ચૂંટણી જીતવી મુશ્કેલ છે.