જીમેલમાં દરરોજ ઘણા સ્પામ મેલ આવે છે જેના કારણે તમારા જરૂરી ઈમેલ્સ ખોવાઈ જાય છાય છે. આ મુશ્કેલીથી છુટકારો મેળવવા માટે 3 સરળ રીત છે જેના વિશે તમારે જાણી લેવું જોઈએ.
સ્પામ ઈમેલને દરરોજ મેન્યુઅલી ડિલિટ કરવા મુશ્કેલ
અણગમતા મેઈલને માસ રિપોર્ટ અને અનસબ્સક્રાઈબ કરી શકો છો
તમે આ મેઈલને ફિલ્ટર અને ડિલિટ ઓપ્શન ક્રિએટ કરી શકો છો
જીમેલમાં દરરોજ તમને રેન્ડમ આઈડીથી ઘણા સ્પેમ ઈમેલ આવતા હશે. સાથે જ આવા બ્રાંડ્સના ન્યુજલેટર અને પ્રચાર ઈમેલ પણ જેને આપણે ક્યારેય સબ્સક્રાઈબ નથી કર્યું. તેને એક એક ડિલિટ કરવા મુશ્કેલ કામ હોઈ શકે છે.
પરંતુ તમે ઘણી રીતે આ મુશ્કેલીથી છુટકારો મેળવી શકો છો. અમે અહીં આવી જ અમુક રીતો વિશે જણાવવા જઈ રહ્યા છીએ જેને તમે પોતાના ઈમેલ બોક્સને સ્પામ થવાથી બચાવી શકો છો. આ રીતે તમે પોતાના જરૂરી ઈમેલ પણ મિસ નહીં કરો. આવો જાણીએ કે કઈ રીતે તમે સ્પામ ઈમેલને રોકી શકો છો.
રિપોર્ટ કરો અને સ્પામ ઈમેલથી સદસ્યતા સમાપ્ત કરો
Gmailમાં લૉગ ઇન કરો અને તે તમામ સ્પામ ઇમેઇલ્સ પસંદ કરો જેને તમે અનસબ્સ્ક્રાઇબ કરવા માંગો છો. તે પછી સૌથી ઉપરના આઇકોન પર ક્લિક કરો. તમને 'Report Spam' અથવા 'Report Spam and Unsubscribe' નો વિકલ્પ જોવા મળશે.
એકવાર ફરીથી પસંદ કરેલ ID ને ચેક કરો અને જો કંઈક મહત્વપૂર્ણ ન હોય તો સ્પામ રિપોર્ટ કરવાનો વિકલ્પ પસંદ કરો અને અનસબ્સ્ક્રાઇબનો વિકલ્પ પસંદ કરો. હવે તમને આ એકાઉન્ટ્સમાંથી ઈમેલ મળવાનું બંધ થઈ જશે.
સ્પામ ઈમેલની જાણકારી માટે ફિલ્ટર બનાવો
તમારું Gmail ખોલો અને સૌથી ઉપર સર્ચ બોક્સ પર ક્લિક કરો. અહીં અનસબ્સ્ક્રાઇબ ટાઇપ કરો અને તમામ પ્રમોશનલ ઇમેલનું સબ્સક્રિપ્શન બંધ કરવા માટે યાદી બનાવો. આ તમામ સ્પામ ઈમેલ પસંદ કરો. આ પછી ઉપરના 3 બિંદુઓ પર ક્લિક કરો, 'ફિલ્ટર મેસેજ લાઈક' પર ક્લિક કરો.
હવે ક્રિએટ ફિલ્ટર ઓપ્શન પર ક્લિક કરો અને તમે આ ઇમેલ સાથે શું કરવા માંગો છો તે પસંદ કરો. જો તમે ઇચ્છો છો કે આ ઇમેલ આપમેળે ડિલિટ થઈ જાય તો તમે 'ક્રિએટ અ ફિલ્ટર' વિકલ્પ પસંદ કરી શકો છો અને પછી 'ડિલીટ ઇટ' વિકલ્પ પસંદ કરી શકો છો. તમારું ફિલ્ટર તૈયાર થઈ જશે.
અસ્થાયી ઈમેલ આઈડીનો પ્રયોગ કરો
સ્પામથી બચવાનો બીજો રસ્તો એ છે કે દરેક જગ્યાએ તમારું મુખ્ય ઈમેલ આઈડી આપવાને બદલે અસ્થાયી ઈમેઈલ બનાવો અને પ્રદાન કરો. આ સાથે તમારું મુખ્ય ID સ્પામથી સુરક્ષિત રહેશે. એવી ઘણી વેબસાઇટ્સ છે જે મફતમાં અસ્થાયી ઈમેલ આઈડી પ્રદાન કરે છે. આ સિવાય તમે જીમેલ પર જ બીજું આઈડી બનાવી શકો છો. જે જરૂરી કામ સિવાય અન્ય જગ્યાએ પણ આપી શકાય છે.