ટેક્નો ટિપ્સ / કોલિંગ સમયે બેકગ્રાઉન્ડના ઘોંઘાટથી છો હેરાન? આ સેટિંગથી ટેન્શન ખતમ, થર્ડ પાર્ટી એપની જરૂર નહીં

વિશ્વભરમાં સ્માર્ટફોન આપણા જીવનનો એક મહત્વપૂર્ણ હિસ્સો બની ગયો છે. આપણે સ્માર્ટફોનનો ઉપયોગ કોલિંગથી લઈને વીડિયો  કોલ, ડોક્યુમેન્ટ શેરિંગ, ઓનલાઈન પેમેન્ટ, મનોરંજન વગેરે કામ માટે કરીએ છીએ. એવામાં જો તમે પણ એન્ડ્રોઇડ સ્માર્ટફોન યુઝર છો તો આ સમાચાર તમારા માટે છે. અમે તમને એન્ડ્રોઇડ ફોન પર આવેલ એક સેટિંગ વિશે જણાવશું જે તમને મદદરૂપ સાબિત થશે.

આપણે અનેક વખત આઉટડોરમાં પણ કોલિંગ કરતા હોઈએ છીએ છે. પરંતુ બહારની સ્થિતિમાં ઘોંઘાટને કારણે કોલ કરતી વખતે બહારનો અવાજ આપણને ખૂબ જ ખલેલ પહોંચાડે છે. ઘોંઘાટને કારણે તમારો અવાજ સામેની વ્યક્તિ સુધી યોગ્ય રીતે પહોંચી શકતો નથી. જો તમે પણ આવી સ્થિતિમાં પ્રોપર રીતે કોલ કરી શકતા ન હોવ તો તમારી આ પ્રોબ્લેમ દૂર થઈ શકે છે. અમે તમને એક એવા સેટિંગ વિશે જણાવશું જે અવાજની સમસ્યાને દૂર કરશે.

• તમારે થર્ડ પાર્ટી એપની જરૂર નહીં પડે

એન્ડ્રોઇડ સ્માર્ટફોનમાં ઘોંઘાટને દૂર કરવા માટે એક શાનદાર ફીચર મળે છે. આ ફીચરને એક્ટિવ કરીને તમે ઘોંઘાટની સમસ્યાથી કાયમ માટે છુટકારો મેળવી શકો છો. ખાસ વાત એ છે કે ઘોંઘાટ ઘટાડવા માટે તમારે કોઈપણ પ્રકારની થર્ડ પાર્ટી એપની મદદ લેવાની જરૂર નહીં પડે.

એન્ડ્રોઇડ તેના યુઝર્સને ક્લિયર કોલ નામનું ફીચર આપે છે. આ ફીચરથી તમામ પ્રકારના બેકગ્રાઉન્ડમાંથી આવનારા અવાજને દૂર કરે છે. પહેલા આ સુવિધા ઇયરફોન અને બડ્સમાં ઉપલબ્ધ હતી પરંતુ હવે આ સુવિધા સ્માર્ટફોનમાં પણ આવી ગઈ છે. આ ફીચર ઓન કરીને તમે ભીડવાળી જગ્યાએથી પણ સરળતાથી કોલ કરી શકો છો.

વધુ વાંચો : ફટાફટ ઉતરી જાય છે સ્માર્ટફોનની બેટરી, ફોલો કરો આ 5 ટિપ્સ, વધી જશે બેટરી લાઈફ

• આ રીતે નોઈસ દૂર કરો

1. જો તમે બેકગ્રાઉન્ડ નોઈસને દૂર કરવા માંગતા હોવ તો તમારે પહેલા તમારા સ્માર્ટફોનના સેટિંગ્સમાં જવું પડશે.
2. નીચે સ્ક્રોલ કરીને Sound and Vibrations ના વિકલ્પ પર ક્લિક કરવું.
3. Sounds and Vibration વિકલ્પમાં તમને ક્લિયર વોઇસનો વિકલ્પ મળશે.
4. નોઈસ દૂર કરવા માટે તમારે ક્લિયર વોઇસ ટૉગલ ઓન કરવું.
5. ઘણા સ્માર્ટફોનમાં આ ફીચર કોલિંગ દરમિયાન હોમ સ્ક્રીન પર જ મળે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ