હેલ્થ / શું તમે છો અસ્થમાના દર્દી! તો ઠંડીની સિઝનમાં આ 4 બાબતોનું ખાસ ધ્યાન રાખજો, સ્વાસ્થ્ય માટે છે નુકસાનકારક

• આજકાલ અસ્થમાની સમસ્યા વધી રહી છે 
• અસ્થમાન હોય તો આ વસ્તુઓનું રાખો ધ્યાન 
• નહીં તો સ્વાસ્થ્યને થશે મોટુ નુકસાન 

આજના સમયમાં દરેક બીજી વ્યક્તિ અસ્થમાની સમસ્યાથી ઝઝૂમી રહી છે. સાથે જ શિયાળાની ઋતુમાં આ સમસ્યા વધી જાય છે. કારણ કે જ્યારે તાપમાન સામાન્ય કરતા ઓછું હોય છે ત્યારે કોલ્ડ ઈન્ડ્યુઝથી મુશ્કેલી થાય છે.

આવી સ્થિતિમાં જો તમને અથવા તમારા પરિવારમાં કોઈને અસ્થમા છે તો તમારે તમારી પોતાની ખાસ કાળજી લેવી જોઈએ. અહીં અમે તમને જણાવીશું કે તમે તમારી સંભાળ કેવી રીતે રાખી શકો છો.

અસ્થમાના દર્દીઓએ શિયાળાની ઋતુમાં ભૂલથી પણ ન કરવું જોઈએ આ કામ
બહાર ન કરો એક્સરસાઈઝ
અસ્થમાના દર્દીઓએ શિયાળાની ઋતુમાં પોતાનું ખાસ ધ્યાન રાખવું જોઈએ. આ માટે અસ્થમાના દર્દીઓએ ઠંડીમાં કસરત માટે ઘરની બહાર ન જવું જોઈએ. તેનાથી અસ્થમાની સમસ્યા વધી શકે છે. આ સાથે લાંબા સમય સુધી વ્યાયામ ન કરો, આ વાતનું પણ ધ્યાન રાખો.  

સાફ-સફાઈનું રાખો ધ્યાન 
અસ્થમાના મોટાભાગના દર્દીઓ શિયાળાની ઋતુમાં ઘરની અંદર સમય વિતાવે છે. આવી સ્થિતિમાં સમયાંતરે ઘરને ડસ્ટ ફ્રી બનાવવું જરૂરી છે. કારણ કે જો ઘર સાફ ન હોય તો અસ્થમાના લક્ષણો ગંભીર બની શકે છે.

માઉથ બ્રિધિંગથી બચો
ઘણા લોકોને મોં દ્વારા શ્વાસ લેવાની આદત હોય છે. પરંતુ જો તમને અસ્થમા છે, તો તમારે ઠંડા તાપમાનમાં તમારા નાક દ્વારા શ્વાસ લેવો જરૂરી છે. આનું કારણ એ છે કે ઠંડા હવામાનમાં નાક દ્વારા શ્વાસ લેવાથી અસ્થમાનો હુમલો થઈ શકે છે.

પેટ્સની આસપાસ જવાથી બચો
જો તમારી પાસે ઘરમાં પાળતુ પ્રાણી છે, તો તે અસ્થમાને પણ ટ્રિગર કરી શકે છે. સાથે જ શિયાળામાં આ સમસ્યા વધુ વધી જાય છે. આવી સ્થિતિમાં શક્ય હોય ત્યાં સુધી તમારા પાલતુ જાનવરથી દૂર રહો. આ એટલા માટે છે કારણ કે તેનાથી તમને મુશ્કેલી થઈ શકે છે.