તમે પણ હેલ્થ ઈન્શ્યોરન્સ લેવાનું વિચારી રહ્યા છો તો એ લેતા પહેલા અમુક વાતોનું ધ્યાન રાખવું ખૂબ જ જરૂરી છે.
તમે પણ હેલ્થ ઈન્શ્યોરન્સ લેવાનું વિચારી રહ્યા છો?
હેલ્થ ઈન્શ્યોરન્સ લેતા સમયે અમુક વાતોનું ધ્યાન રાખવું જરૂરી
આજના સમયમાં હેલ્થ ઈન્શ્યોરન્સ હોવું ખૂબ જ જરૂરી છે. સામાન્ય રીતે આજકાલને દરેક લોકોની લાફસ્ટાઇલ અને ખાવાપીવાની આદત લોકોને વધુને વધુ બીમારી બનાવી રહી છે. ઘણી વખત તેને કારણે લોકોની તબિયત બગડે છે અને હોસ્પિટલમાં દાખલ થવું પડે છે એવા સમયે ત્યાંનું બિલ એટલું આવી જતું હોય છે કે તેને જોઈને માણસ પાછું બીમારી પડી જાય. એવા બિલનો બોજો ન ઉપાડવા માટે લોકો હેલ્થ ઈન્શ્યોરન્સ લે છે. તમે પણ હેલ્થ ઈન્શ્યોરન્સ લેવાનું વિચારી રહ્યા છો તો અમુક વાતોનું ધ્યાન રાખવું ખૂબ જ જરૂરી છે.
હેલ્થ પોલિસીનો વેઇટિંગ પિરિયડ
હેલ્થ પોલિસી લેતા પહેલા એડવાઇઝરને પૂછવું જોઈએ કે આ હેલ્થ પોલિસી હેઠળ કયા રોગોને આવરી લેવામાં આવશે? હેલ્થ પોલિસીમાં ઘણા રોગો માટે વેઇટિંગ પિરિયડ 2 થી 3 વર્ષનો હોય છે અને હેલ્થ પોલિસીમાં વેઇટિંગ પિરિયડનો અર્થ એ છે કે ઘણી બીમારીઓ માટેનું કવર બેથી ત્રણ વર્ષ પછી મળે છે. એટલા માટે એવી હેલ્થ પોલિસી ન લો જે તમારી જરૂરિયાતો માટે યોગ્ય ન હોય.
પ્રીમિયમ એકાઉન્ટ
હેલ્થ ઈન્શ્યોરન્સ લેતા સમયે તમારી ઉંમર, કૌટુંબિક ઈતિહાસ, નોકરીમાં જોખમ, બીમારી વગેરેને ધ્યાનમાં લઈને પ્રીમિયમ નક્કી કરવામાં આવે છે એટલા માટે હેલ્થ ઈન્શ્યોરન્સ લેતા પહેલા પ્રીમિયમને અસર કરતા પરિબળોને સમજવું ખૂબ જ જરૂરી છે. આ તમને સૌથી ઓછા પ્રીમિયમ પર શ્રેષ્ઠ હેલ્થ ઈન્શ્યોરન્સ પસંદ કરવામાં મદદ કરે છે.
મેડિકલ ટેસ્ટ
ઘણી વીમા કંપનીઓ હેલ્થ ઈન્શ્યોરન્સ આપતા પહેલા મેડિકલ ટેસ્ટ સર્ટિફિકેટ લેવાનું પસંદ કરે છે. જો કે આ સરિફિકેટ સ્વાસ્થ્ય વિશે સાચી માહિતી મેળવવા માટે કરવામાં આવે છે. જો કે ઘણી વીમા કંપની મેડિકલ ટેસ્ટ કરાવતી નથી એવા સમયે તમારે પોલિસી ફર્મને સાચી માહિતી આપવી પડે છે અને સાચી માહિતી છુપાવવાથી વીમા ક્લેમ સેટલમેન્ટ લેવામાં પરેશાનીનો સામનો કરવો પડી શકે છે કે તે રદ પણ થઈ શકે છે.
કેશલેસ હોસ્પિટલ નેટવર્ક
હેલ્થ ઈન્શ્યોરન્સ લેતા પહેલા કેશલેસ હોસ્પિટલ નેટવર્કની યાદી તપાસવી જોઈએ. એક કે બે મોટી હોસ્પિટલોને ધ્યાનમાં રાખીને ક્યારેય હેલ્થ ઈન્શ્યોરન્સ ન લેવું જોઈએ. આ સાથે જ પ્રયાસ કરો કે તમારા આસપાસની હોસ્પિટલો પણ તે સૂચિમાં શામેલ રહે. આ એટલા માટે જરૂરી છે જેથી કટોકટીની સ્થિતિમાં વહેલી તકે શ્રેષ્ઠ સારવાર મેળવી શકો.
પોલિસીની ડિટેલ
હેલ્થ ઈન્શ્યોરન્સ પોલિસીમાં અકસ્માત, પ્રસૂતિ લાભ, એમ્બ્યુલન્સ, સર્જરી અને આઉટ પેશન્ટ ઉપચાર માટેની જોગવાઈઓ શું છે? શું બધાને સારી રીતે સામેલ કરવામાં આવ્યા છે? શું તમારી પોલિસી આ બધાને આવરી લે છે અને જો તમારી પોલિસી આ બધુ આવરી લે તો એ પછી પોલિસીની મર્યાદા તપાસો. તમામ મુદ્દાઓ પર સંતુષ્ટ થયા પછી જ આરોગ્ય વીમો લો.