દોસ્તી / શું દોસ્ત બનવા જઈ રહ્યા છે આ બે દુશ્મન દેશ? ઈરાન અને સાઉદી અરબ પોતાની દુશ્મનાવટનો અંત લાવવા તૈયાર

• ઈરાનનાં વિદેશમંત્રી મોહમ્મદ જવાદ જરીફે આપી જાણકારી
• સાઉદી અરબ સાથેનાં સબંધો મજબુત કરીને રહેશે ઈરાન  
• હૂતી વિદ્રોહીઓ અવાર નવાર સાઉદી અરબ પર કરી રહ્યા હતા હુમલાઓ 

ઈરાનનાં વિદેશમંત્રી મોહમ્મદ જવાદ જરીફે આપી જાણકારી 
ઈરાનનાં વિદેશમંત્રી મોહમ્મદ જવાદ જરીફે બુધવારે કહ્યું કે તેમનો દેશ હવે સાઉદી અરબ સાથે પોતાના સબંધો સુધારવા માટે તૈયાર છે. તેમને આશા છે કે હમણાં જ બંને પક્ષો વચ્ચે થયેલી ચર્ચાનો સુખદ અંત આવશે. આ વાત જણાવતા પહેલા તેમણે સિરીયાનાં રાષ્ટ્રપતિ બશર અસદ સાથે બેઠક કરી હતી. સોમવારે ઇરાને વિદેશ મંત્રાલયે ઈરાકની મધ્યસ્થતામાં બગદાદમાં થયેલ ચર્ચાની પુષ્ટિ કરી હતી. ઈરાકના રાષ્ટ્રપતિએ ગયા અઠવાડિયે કહ્યું કે અમારી ચર્ચા ઘણી વાર થઈ અને આ ચર્ચા સાર્થક સાબિત થશે. 

સાઉદી અરબ સાથેનાં સબંધો મજબુત કરીને રહેશે ઈરાન
જરીફે વધુમાં કહ્યું કે તેમને આશા છે કે આ ચર્ચાથી બંને દેશો વચ્ચે મદદ કરવાની નીતિ અને બીજા ઘણા બધા ક્ષેત્રોમાં સ્થિરતા અને શાંતિ પણ સ્થપાશે. જરીફે પત્રકારોને માહિતી આપતા કહ્યું કે " અમે નિશ્ચિત સ્વરૂપે તૈયાર થઈ ગયા છે અને સાઉદી અરબ સાથેનાં સબંધો મજબુત કરીને રહીશું.

 
હૂતી વિદ્રોહીઓ અવાર નવાર સાઉદી અરબ પર કરી રહ્યા હતા હુમલાઓ
આગળ વાત કરીએ તો સાઉદી અરબ યમનમાં ઘણી ખરાબ રીતે ફસાઈ ગયું છે અને ત્યાં ઈરાનનાં સમર્થકો હૂતી વિદ્રોહીઓ સામે લડવું પડ્યું હતું. હૂતી વિદ્રોહીઓ અવાર નવાર સાઉદી અરબનાં તેલના કૂવાઓ અને શહેર પર હવાઈ હુમલાઓ કરતાં રહે છે. આ વર્ષે હૂતી વિદ્રોહીઓએ ડઝનો મિસાઇલ અને દ્રોણ દ્વારા હુમલા કરી સાઉદી અરબ ને ઘણું નુકશાન પહોંચાડ્યું હતું. માનવામાં આવે છે કે સાઉદી અરબનાં રાજકુમાર મોહમ્મદ બિન સલમાને બાઈડેન પ્રશસસનનાં સમર્થનને પ્રાપ્ત કરવા માટે આ પગલું લીધું છે.