કામની વાત / શું એક કરતાં વધુ ક્રેડિટ કાર્ડ રાખવાથી ફાયદો થાય છે કે નુકસાન? ક્યારે લેવું જોઈએ બીજું ક્રેડિટ કાર્ડ? જાણો

• ઘણા લોકો એક કરતા વધુ ક્રેડિટ કાર્ડ રાખે છે
• ક્રેડિટ કાર્ડના જેટલા ફાયદા છે તેટલા જ કેટલાક ગેરફાયદા પણ છે
• તમારી પાસે એકથી વધુ ક્રેડિટ કાર્ડ હોવા જોઈએ કે નહીં? 

હાલમાં મોટાભાગના લોકો ક્રેડિટ કાર્ડનો ઉપયોગ કરે છે. ચુકવણી માટે ક્રેડિટ કાર્ડનો ઉપયોગ કરવાના ઘણા ફાયદા છે. આમાં ઘણા પ્રકારની ઑફર્સ, ડિસ્કાઉન્ટ અને ચુકવણી માટે વ્યાજ વગર 50 દિવસ મળે છે. ક્રેડિટ કાર્ડની મદદથી બિલ સરળતાથી ચૂકવી શકીએ છીએ અને ઓનલાઈન શોપિંગ માટે ચૂકવણી કરી શકીએ છીએ. ક્રેડિટ કાર્ડના ઘણા બધા ફાયદાઓને ધ્યાનમાં રાખીને, ઘણા લોકો એક કરતા વધુ ક્રેડિટ કાર્ડ રાખે છે.

જણાવી દઈએ કે ક્રેડિટ કાર્ડના જેટલા ફાયદા છે તેટલા જ કેટલાક ગેરફાયદા પણ છે. એવામાં એ જાણવું જરૂરી છે કે તમારી પાસે એકથી વધુ ક્રેડિટ કાર્ડ હોવા જોઈએ કે નહીં? 

ક્યારે લેવું જોઈએ ક્રેડિટ કાર્ડ 
જો તમને તમારી નાણાકીય વ્યવસ્થા કરવા માટે ક્રેડિટ કાર્ડની જરૂર હોય, તો તમે ક્રેડિટ કાર્ડ લઈ શકો છો. ક્રેડિટ કાર્ડ મેનેજ કરવા માટે તમારે વધારે મહેનત કરવાની જરૂર નથી. સમયસર તેનું બિલ સરળતાથી ચૂકવી શકો છો અને  ક્રેડિટ સ્કોર સુધારી શકો છો. એવું માનવામાં આવે છે કે નવા ક્રેડિટ કાર્ડ યુઝર્સે માટ  ફક્ત એક જ ક્રેડિટ કાર્ડ હોવું વધુ સારું છે.

એક કરતાં વધુ ક્રેડિટ કાર્ડ હોવાના ફાયદા
બધા ક્રેડિટ કાર્ડ્સમાં અલગ-અલગ સુવિધાઓ અને લાભો હોય છે. ઉદાહરણ તરીકે કેટલાક ક્રેડિટ કાર્ડ યુઝર્સેને માત્ર મુસાફરી સંબંધિત ડિસ્કાઉન્ટ ઓફર કરે છે તો કેટલાક ક્રેડિટ કાર્ડ્સ ફક્ત ઓનલાઈન શોપિંગ અને ફ્યુઅલ પર ડિસ્કાઉન્ટ આપે છે. આવી સ્થિતિમાં, જો તમે આ બધી ઑફર્સનો લાભ લેવા માગો છો, તો તમે એકથી વધુ ક્રેડિટ કાર્ડ રાખી શકો છો. પરંતુ ધ્યાન રાખો કે તેનું બિલ સમયસર ચૂકવો. 

બીજું ક્રેડિટ કાર્ડ ક્યારે લેવું જોઈએ?
બીજું ક્રેડિટ કાર્ડ લેતા પહેલા તમારે તમારા રોજિંદા ખર્ચાઓ અને જીવનશૈલીને સમજવાની જરૂર છે કે જેના પર તમે વધુ ખર્ચ કરો છો. પછી તે મુજબ તમારે બ્રાન્ડેડ ક્રેડિટ કાર્ડ લેવું જોઈએ. ઉદાહરણ તરીકે, જો તમે ફ્લાઇટમાં ઘણી મુસાફરી કરો છો, તો તમારા માટે એર માઇલ ક્રેડિટ કાર્ડ મેળવવું વધુ સારું રહેશે. બીજી તરફ, જો તમે ઘણી બધી ખરીદી કરો છો તો તમારા માટે શોપિંગ ક્રેડિટ કાર્ડ મેળવવું વધુ સારું રહેશે.