કપિલના કોમેડી શો 'ધ કપિલ શર્મા શો'માં ઘણાં સેલિબ્રિટીસ પહોંચે છે અને કપિલ શોમાં આ સ્ટાર્સ સાથે મસ્તી-મજાક કરતા જોવા મળે છે, પરંતુ આ વખતે કપિલ શોની પરમાનેન્ટ ગેસ્ટ અર્ચના પૂરણ સિંહની પકડમાંથી છટકી શક્યો નહીં. શોમાં અર્ચનાએ કપિલની ચોરીનો ખુલાસો બધાંની સામે કરી દીધો અને ત્યારબાદ કપિલે પણ મજેદાર બહાનું આપીને દરેકનું દિલ જીતી લીધું હતું.
હકીકતમાં શોનો એક વીડિયો યૂટ્યુબ પર ખૂબ જ ટ્રેન્ડ થઈ રહ્યો છે. આ વીડિયોમાં કપિલ શર્મા, તનાજી ધ અનસંગ વોરિયર સ્ટાર્સ અજય દેવગન અને કાજોલ સાથે વાતચીત કરતા જોવા મળી રહ્યો છે. તે પહેલા અજયને કહે છે, 'અજય એક અભિનેતા, દિગ્દર્શક, નિર્માતા છે, ડબિંગ કરે છે, પોતાની કંપની છે. આપણે એક સૂત્ર સાંભળ્યું હતું, સબકા સાથ, સબકા વિકાસ. શું તમે આ તમારું સૂત્ર બનાવ્યું છે? તમારી સાથે તમારો વિકાસ. ત્યારે અજય પણ તેની સાથે મસ્તીભર્યા અંદાજમાં કહે છે, 'તારા 103 એપિસોડ પૂરા થઈ ગયા, તે કોઈને અહીં આવવા દીધા.'
અજયની વાત સાંભળીને અર્ચના પણ કપિલ સાથે મસ્તી કરતાં કહે છે, 'કપિલ એટલા પૈસા લે છે કે અમારી પાસે બહુ ઓછાં પૈસા બચે છે.' દર્શકોને અર્ચનાની આ મસ્તી જોઈ મજા પડી જાય છે. ત્યારે કપિલ તેનો જવાબ આપતાં કહે છે 'લૂંટી લો, આવીને લૂંટ લો, હું એક બાળકીનો પિતા છું મારે પણ ઘર ચલાવવાનું હોય છે.
વાત અહીંયા જ ખતમ નથી થતી. કપિલના આ જવાબ પર અજય તેને ચેતવણી આપે છે અને કહે છે, જ્યારે તેની (કપિલ)ની દીકરી મોટી થઈ જશે, ત્યારે આ એપિસોડ્સ જોશે અને કહેશે, 'મારા જન્મ થતાંની સાથે જ તમે ભીખ માંગવાનું શરૂ કરી દીધું હતું'. ઉલ્લેખનીય છે કે, આ એપિસોડમાં કપિલે અજય અને કાજોલની મેરિડ લાઈફ અંગેની કેટલીક મજેદાર વાતો દર્શકોને જણાવી હતી.