અર્ચના આખા શોમાં કોઇના જોક પર કે મસ્તી પર હસતી જોવા મળે છે. પહેલા અહીં નવજોત સિંહ સિદ્ધુ બેસતો હતો પરંતુ બાદમાં આ જગ્યા અર્ચના પુરણ સિંહે લઇ લીધી છે.
તમને ખબર છે જજની ખુરશી પર બેસીને હસવાના અર્ચના કેટલા રૂપિયા લે છે. તમને જાણીને હેરાની થઇ જશે કે અર્ચના એક એપિસોડમાં હસવાના 10 લાખ રૂપિયા લે છે. માત્ર એટલુ જ નહી શોમાં કામ કરતા અન્ય કલાકાર પણ તગડી ફીઝ વસુલે છે.
મહત્વનું છે કે અર્ચના પુરણ સિંહની 2021માં નેટ વર્થ 220 કરોડ રૂપિયા છે. તેની સાથે અર્ચના પાસે મુંબઇના મડ આઇલેન્ડમાં એક આલિશાન બંગલો પણ છે, મહત્વનું છે કે અર્ચનાએ પોતાના ટીવી કરિયરની શરૂઆત 1993માં ઝી ટીવીના શો વાહ ક્યા સીન હેથી કરી હતી. આ શો તે વર્ષે સુપરહીટ રહ્યો હતો અને તે બાદ જાને ભી દો પારો, શ્રીમાન શ્રીમતિમાં પણ કામ કર્યુ હતુ.
થોડા સમય પહેલા આવી હતી અફવા
કપિલ શર્માનો કોમેડી શો ધ કપિલ શર્મા શો દર્શકોનું મનોરંજન કરી રહ્યો છે. શોમાં નાના પરદાથી લઇને બોલિવૂડના તમામ સેલેબ્સ પોતાની ફિલ્મોનું પ્રમોશન કરવા આવે છે. ભારત જ નહી પરંતુ વિદેશી લોકો પણ કપિલના અને તેના શોના ફેન છે.
આ સિઝન થશે બંધ
સુત્રોનું માનીએ તો કપિલ શર્મા શોની આ સિઝન હવે બંધ થવા જઇ રહી છે. શોને લઇને જલ્દી જ ઓફિશ્યલ અનાઉન્સમેન્ટ કરવામાં આવી શકે છે. આ સિઝન પતે તે બાદ બીજી સિઝન પણ શરૂ થશે પરંતુ શોના ફ્રેશ એપિસોડ્સ માટે ફેન્સે રાહ જોવી પડશે.
આ કલાકાર છે શોમાં
શોમાં કપિલ શર્મા સિવાય કિકૂ શારદા, કૃષ્ણા અભિષેક અને અર્ચના પુરણ સિંહ નજર આવે છે. લોકડાઉન બાદ કપિલનો શો ઓડિયન્સ વગર જ ચાલી રહ્યો છે. તેમ છતાં શોને લોકોએ સપોર્ટ કર્યો છે અને તેની પોપ્યુલારિટી સહેજ પણ ઓછી નથી થઇ.
કપિલ શર્મા કરશે ડિજીટલ ડેબ્યુ
એક રિપોર્ટ અનુસાર મેકર્સ આ સિઝન પતાવવા માંગે છે અને અન્ય સિઝન લાવવા માંગે છે. આ પાછળનું કારણ કપિલનું ડિજીટલ ડેબ્યુ છે. જલ્દી જ કપિલ નેટફ્લિક્સ પર ડેબ્યુ કરવાનો છે. તેના તે શુટ બાદ જ કપિલ શર્મા શોની નવી સિઝન શરૂ થશે.