સાસુના મોતની ખબર મળતા જ અર્ચના પૂરણ સિંહને કહેવામાં આવ્યું હતું કે જતા પહેલા તેણે પોતાના હસવાના રિએક્શન રેકોર્ડ કરાવવાના રહેશે. કોમેડી સર્કસની શૂટિંગ વખતે આ કિસ્સો એક્ટ્રેસે પોતે શેર કર્યો હતો.
અર્ચના પૂરણ સિંહે શેર કર્યો અનુભવ
કોમેડી સર્કસ વખતે થયો હતો ખરાબ અનુભવ
સાસુના મોત બાદ પણ આપવા પડ્યા હતા હસવાના રિએક્શન
પોતાના હસવાના કારણે જાણીતી અર્ચના પુરણ સિંહ ઘણા કોમેડી શોમાં આવી ચુકી છે. ધ કપિલ શર્મા શો પર અર્ચના પૂરણ સિંહ હસતા જોવા મળે છે. હવે તે ટૂંક સમયમાં જ ઈન્ડિયાઝ લાફ્ટર ચેમ્પિયનમાં શેખર સુમનની સાથે જજ કરતી જોવા મળશે. અર્ચના સોની ટીવી પર આવનાર કોમેડી શો 'કોમેડી સર્કસ'ને જજ કરી ચુકી છે. આ શોને યાદ કરતા એક્ટ્રેસે એક ખરાબ અનુભવ શેર કર્યો.
હસવા માટે મજબૂર થઈ અર્ચના
અર્ચના પૂરણ સિંહે હાલમાં જ ખુલાસો કર્યો કે તે એક વખતે ખૂબ જ ખરાબ સમયમાંથી પસાર થઈ હતી. કોમેડી સર્કસ શો વખતનો આ એક્સપીરિયન્સ જણાવતા અર્ચના કહે છે કે હું પોતાની સાસુમાંના ખુબ જ નજીક હતી. તે સમયે તે હોસ્પિટલમાં એડમિટ હતા.
હું શોના સેટ પર પહોંચી અને અડધી શૂટિંગ વખતે મને કોલ આવ્યો કે મારી સાસુનું નિધન થઈ ગયું છે. મેં પ્રોડક્શન હાઉસને જણાવ્યું કે મને તરત જવું પડશે. તે સમયે પ્રોડક્શન હાઉસે કહ્યું કે તમે પોતાના રિએક્શન રેકોર્ડ કરાવી દો અને જાઓ.
અર્ચનાએ યાદ કર્યો તે સમય
અર્ચનાએ તે સમયને યાદ કરતા જણાવ્યું કે આવો એક્સપીરિયન્સ ભગવાન કોઈને ન કરાવે. અર્ચનાએ આગળ જણાવ્યું કે હું આજે પણ ભૂલી નથી શકતી કે હું ત્યાં બેઠી હતી અને ફક્ત હસી રહી હતી. હું મગજથી એકદમ બ્લેન્ક થઈ ગઈ હતી. મને ફક્ત અને ફક્ત મારી સાસુનો ચહેરો યાદ આવી રહ્યો હતો. તે ટ્રોમાંને હું ક્યારેય નહીં ભુલી શકું.
દિકરાને વાગ્યું ત્યારે પણ હસવું પડ્યું હતું
અર્ચના પુરણ સિંહે યાદ કરતા જણાવ્યું કે બીજો એક કિસ્સો જણાવું તો મારે ત્યારે પણ હસતા રહેવાના રિએક્શન્સ આપવા પડ્યા હતા. જ્યારે મારા દિકરાના પગમાં ફૂટબોલ રમતી વખતે ફ્રેક્ચર થઈ ગયું હતું. અર્ચનાએ જણાવ્યું- "એક માતા હોવાના કારણે મને હસવાનું બીલકુલ મન ન હતુ કરી રહ્યું, મારૂ મન તેની ચિંતામાં હતું પરંતુ હું શોમાં હસી રહી હતી. અંદર તમે કેટલુ બ્રેક ડાઉન મહેસુસ કરો છો તે કદાચ જ કોઈ સમજી શકે છે. "