ખુલાસો / મલાઇકાથી અલગ થવા પાછળ અરબાઝે કહ્યુ કે, ‘ આ એકમાત્ર જ રસ્તો બાકી રહ્યો હતો’

ડિવોર્સ બાદ અરબાઝ તથા મલાઈકા પોત-પોતાના જીવનમાં આગળ વધી ગયા છે. ડિવોર્સ બાદ પણ બંને એકબીજા સાથે ઘણી જ સહજતાથી મળતા રહે છે અને વાતચીત કરતા રહે છે અને પોતાના દિકરા અરહાન ખાન સાથે સમય પસાર કરતા ઘણી વખત જોવા મળે છે. અરબાઝે ડિવોર્સને લઈને કહ્યું હતું કે જ્યારે તમારે બાળક હોય ત્યારે આ પગલું ભરવું ઘણું જ મુશ્કેલ બની જાય છે પરંતુ આ જરૂરી હતું. કેટલાંક સંબંધો એક એવા તબક્કે પહોંચી જાય છે કે જેમાંથી અલગ થવાનો જ એકમાત્ર રસ્તો રહે છે.


આ સિવાય એક્ટર -પ્રોડ્યુસર અરબાઝ ખાનને પૂછવામાં આવ્યું કે ડિવોર્સની વાત પર તેના દિકરાનું રિએક્શન શું હતું? જેના જવાબમાં અરબાઝે કહ્યું હતું કે તે સમયે અરહાનની ઉંમર માત્ર 12 વર્ષની હતી. તેને બધી જ ખબર હતી કે શું ચાલી રહ્યું છે. તેથી તેને વધુ સમજાવવાની જરૂર પડી નહોતી.

 

 

 

 

View this post on Instagram

 

 

 

 

 

 

 

 

 

N jus like that my baby boy turns 17..... our first born . You are my strength n my weakness arhaan and jus the most loving ,understanding and sensible . LOVE YOU ( I will always grab you for my share of hugs n kisses ... deal with it )♥️♥️♥️

A post shared by Malaika Arora (@malaikaaroraofficial) on Nov 8, 2019 at 9:53pm PST

અરબાઝ તથા મલાઈકા અલગ થયા ત્યારે અરહાનની કસ્ટડી મલાઈકાને આપવામાં આવી હતી. આ અંગે અરબાઝે કહ્યું હતું કે દિકરાને જ્યારે પણ તેની જરૂર હોય તે હંમેશાં તેની સાથે છે. તેને ખ્યાલ હતો કે દીકરાને માતાની જરૂર છે અને તેથી જ તેણે દીકરાની કસ્ટડીને લઈ ક્યારેય ઝઘડો પણ કર્યો નહોતો. હાલમાં તેનો દીકરો 17 વર્ષનો થઈ ગયો છે અને ટૂંક સમયમાં 18નો થશે. ત્યારબાદ દીકરાએ કોની સાથે રહેવું તે નક્કી કરવાનું છે.

 

 

 

 

View this post on Instagram

 

 

 

 

 

 

 

 

 

#aboutlastnight #arhaan #birthdayboy #familytime #dinnerparty #lovemyson 😘❤️😇

A post shared by Arbaaz Khan (@arbaazkhanofficial) on Nov 9, 2016 at 8:27pm PST

 મલાઈકાએ પણ ડિવોર્સ અંગે કરી હતી


મલાઈકા અરોરાએ આ વર્ષે એપ્રિલમાં કરિના કપૂર ખાનના ચેટ શો ‘વ્હોટ વીમેન વોન્ટ’માં ડિવોર્સ અંગે વાત કરી હતી. તેણે કહ્યું હતું કે તે અને અરબાઝ આ સંબંધમાં ખુશ નહોતાં. આ પરિસ્થિતિમાં તે બે વ્યક્તિ હતાં, જે એકબીજાથી નારાજ રહેતા હતાં અને તેની અસર માત્ર તેમના જીવનમાં જ નહીં પરંતુ આસપાસના લોકો પર પણ પડતી હતી. જ્યારે એક કપલ સાથે રહીને ખુશ ના રહી શકે ત્યારે તેમના સંતાન માટે આ માહોલ નુકસાનકારક બને છે.આ કારણથી અમે બંનેએ એકબીજાથી અલગ થવાનો નિર્ણય લીધો.

ઉલ્લેખનીય છે કે હાલમાં અરબાઝના સંબંધો ઈટાલિયન મોડલ જ્યોર્જિયા સાથે છે અને મલાઈકા એક્ટર અર્જુન કપૂર સાથે ખુશ છે.