અરવલ્લી જિલ્લામાં ફરી શિક્ષણ પર સવાલો ઉભા થયા છે. અરવલ્લી જિલ્લામાં ધનસુરા તાલુકાની હીરાપુર પ્રાથમિક શાળાની ઘટનાનો એક વીડિયો સામે આવ્યો છે. આ શાળામાં બાળકોને ભણતરના પાઠ નહીં પણ સફાઈકામ કચરા પોતુ કરાવવામાં આવે છે.
જો કે વીટીવી આ વીડિયોની પુષ્ટિ કરતુ નથી. પણ જે દ્રશ્યો સામે આવ્યા છે તે ખરેખર શિક્ષણધામ પર અનેક સવાલ કરી રહ્યા છે. આપ જોઈ શકો છો તેમ વિદ્યાર્થીઓને શાળામાં અભ્યાસના બદલે ઈતર પ્રવૃતિના નામે આ રીતે સફાઈકામ કરાવવામાં આવે છે.
શાળામાં બાળકો પાસે આ રીતે સફાઈકામ કરાવવી કેટલી યોગ્ય છે. અગાઉ પણ જિલ્લામાંથી આવા અનેક વીડિયો સામે આવ્યા હતા. પરંત હજુ સુધી સંલગ્ન તંત્રની આંખ કે કાન ખૂલતા નથી. બેમોઢાની વાત કરતી આવી શૈક્ષણિક સંસ્થાઓને જ્યારે આ અંગે પૂછવામાં આવે છે તો તેઓ ઈતરપ્રવૃતિનો રાગ છેડતા હોય છે પણ વાસ્તવિકતા સાવ વિપરિત હોય છે.